Burabay qalasında ötip jatqan TMD Ükimet basşılarınıñ keñesinde QR prezidenti Nwrswltan Nazarbaev öziniñ saylaualdı twğırnamasında aytılğan bes institucionaldıq reformağa toqtalıp, onıñ ayasında parlament pen ükimetke beriletin biliktiñ ülesin arttıru kerek ekenin mälimdedi.

 «Bes institucionaldıq reformanıñ  besinşisin –  qoğamdı demkoratizaciyalau dep atauğa bolar edi, biraq, bwl söz mağan   wnamaydı. Biz endi ärqaysısımızdıñ öz demokratizaciyamız bar ekenin tüsinemiz. Demokratizaciyalau boyınşa adam körgisi kelmeytin ister jasaluı mümkin. Al bizdiñ demokratiyamız memleketti halıqtıñ aldında esep beretindey etu degendi bildiredi. Bizdiñ isterimiz aşıq boluı kerek. Eger bwl memlekettik qwpiya bolmasa, onda ükimettiñ şeşimderi men aqparattar azamattar üşin qoljetimdi boluı kerek», – dedi prezident.

P.S. Konstituciya boyınşa QR prezidenti öz biligin ükimetpen jäne parlamentpen bölise ala ma? Atazañımızğa jügineyik:

Qazaqstan Respublikası – prezidenttik basqaru nısanındağı birtwtas memleket.

Qazaqstan Respublikasında bilikti eşkim de iemdenip kete almaydı. Bilikti iemdenip ketuşilik zañ boyınşa qudalanadı.

Halıq pen memleket atınan bilik jürgizuge Respublika Prezidentiniñ, sonday-aq öziniñ konstituciyalıq ökilettigi şeginde Parlamenttiñ qwqığı bar. Respublika Ükimeti men özge de memlekettik organdar memleket atınan olarğa berilgen ökilettikteri şeginde ğana bilik jürgizedi.

III bölim

PREZIDENT

40-bap

Qazaqstan Respublikasınıñ Prezidenti – memlekettiñ basşısı, memlekettiñ işki jäne sırtqı sayasatınıñ negizgi bağıttarın ayqındaytın, el işinde jäne halıqaralıq qatınastarda Qazaqstannıñ atınan ökildik etetin eñ joğarı lauazımdı twlğa.

Respublikanıñ Prezidenti – halıq pen memlekettik bilik birliginiñ, Konstituciyanıñ mızğımastığınıñ, adam jäne azamat qwqıqtarı men bostandıqtarınıñ nışanı äri kepili.

Respublika Prezidenti memlekettik biliktiñ barlıq tarmağınıñ kelisip jwmıs isteuin jäne ökimet organdarınıñ halıq aldındağı jauapkerşiligin qamtamasız etedi.

 Abai.kz