رەسپۋبليكالىق “اسىل بالا” قاۋىمداستىعىنىڭ نەگىزىن قالاۋشى جاننا راحمەتۋللينا قازاقستاندىق بالالاردى زورلىقتى ناسيحاتتايتىن ينتەرنەتتەگى اقپاراتتار لەگىنەن قورعاۋ مۇمكىن ەمەس دەگەن پىكىردە.

بريفينگتە راحمەتۋللينا ءوزىن ءۇش بالانىڭ اناسى رەتىندە جانە فوند وكىلى رەتىندە ەفيردىڭ كىشكەنتايلارعا تيگىزەتىن اسەرى الاڭداتتىراتىنىن جاسىرمادى. ونىڭ ويىنشا، ءتوتالدى جاھاندانۋ داۋىرىندە بالالاردى زورلىق-زومبىلىقتى ناسيحاتتايتىن اقپارات لەگىنەن الشاقتاتۋ مۇمكىن ەمەس دەپ حابارلادى قازتاگ.

“بۇرىندارى ءسىز (اتا-انالار – قازتاگ) بۇل ءۇردىستى باقىلاي الاتىن بولساڭىز، قازىردە 3G, 4G سمارتفوندارى ارقىلى بالالار وڭاي ينتەرنەتكە شىعىپ، وزىنە كەرى اسەرىن تيگىزەتىن اقپاراتتارعا قول جەتكىزە الادى”، – دەدى راحمەتۋللينا.

مۇنىمەن قوسا، ول باق پەن مەۇ بىرىگە وتىرىپ، بۇل ماسەلەنىڭ شەشىمىن تابۋى كەرەك دەگەن پىكىر ءبىلدىردى.

ء“بىز، ارينە باق-قا مۇنى كورسەتۋگە تىيىم سالا المايمىز. باستى ماقسات – باق-پەن بىرىگە وتىرىپ، ستارتەگيا قۇرۋ. ءبىز بىرىگىپ، الداعى قادامدارىمىزدى ويلاستىرۋىمىز قاجەت. بارلىق دەموكراتيالىق نورمالاردى ساقتاپ، اقپارات الۋدا بالا قۇقىعىن بۇزبايتىن ءتيىمدى شەشىمدەر تابۋىمىز كەرەك”، – دەپ ۇسىنىس جاسادى راحمەتۋللينا.

قاۋىمداستىق وكىلى باق-تىڭ قاراقشىلىقتى رومانتيزاتسيالاعانى ءۇشىن سىنعا ۇشىراعان “رەكەتير-2″ فيلمىنە قالاي قارايسىز دەگەن سۇراعىنا بۇل فيلم قولداۋدى قاجەت ەتەدى دەگەن جاۋاپ قايتاردى.

“جاقىندا شىققان قازاقستاندىق بەستسەللەر فيلمگە كەلەتىن بولساق، مەن وعان تەك قولداۋدى قاجەت ەتەتىن وتاندىق ءونىم دەپ قارايمىن. دۇرىس بولسىن، بۇرىس بولسىن ادامدى قوعامدا قالىپتاستىراتىن ونىڭ جانۇياسى”، – دەدى راحمەتۋللينا.

nur.kz