Respublikalıq “Asıl bala” qauımdastığınıñ negizin qalauşı Janna Rahmetullina qazaqstandıq balalardı zorlıqtı nasihattaytın internettegi aqparattar leginen qorğau mümkin emes degen pikirde.

Brifingte Rahmetullina özin üş balanıñ anası retinde jäne fond ökili retinde efirdiñ kişkentaylarğa tigizetin äseri alañdattıratının jasırmadı. Onıñ oyınşa, total'di jahandanu däuirinde balalardı zorlıq-zombılıqtı nasihattaytın aqparat leginen alşaqtatu mümkin emes dep habarladı QazTAG.

“Bwrındarı siz (ata-analar – QazTAG) bwl ürdisti baqılay alatın bolsañız, qazirde 3G, 4G smartfondarı arqılı balalar oñay internetke şığıp, özine keri äserin tigizetin aqparattarğa qol jetkize aladı”, – dedi Rahmetullina.

Mwnımen qosa, ol BAQ pen MEW birige otırıp, bwl mäseleniñ şeşimin tabuı kerek degen pikir bildirdi.

“Biz, ärine BAQ-qa mwnı körsetuge tıyım sala almaymız. Bastı maqsat – BAQ-pen birige otırıp, startegiya qwru. Biz birigip, aldağı qadamdarımızdı oylastıruımız qajet. Barlıq demokratiyalıq normalardı saqtap, aqparat aluda bala qwqığın bwzbaytın tiimdi şeşimder tabuımız kerek”, – dep wsınıs jasadı Rahmetullina.

Qauımdastıq ökili BAQ-tıñ qaraqşılıqtı romantizaciyalağanı üşin sınğa wşırağan “Reketir-2″ fil'mine qalay qaraysız degen swrağına bwl fil'm qoldaudı qajet etedi degen jauap qaytardı.

“Jaqında şıqqan qazaqstandıq bestseller fil'mge keletin bolsaq, men oğan tek qoldaudı qajet etetin otandıq önim dep qaraymın. Dwrıs bolsın, bwrıs bolsın adamdı qoğamda qalıptastıratın onıñ janwyası”, – dedi Rahmetullina.

nur.kz