جۋرناليست جان احماديەۆ «قازاقپىز عوي» دەپ اتالاتىن بەينەكليپىمەن قازنەتتىڭ جۇلدىزىنا اينالدى. الدىمەن ءالىبي جۇماعۇلوۆتىڭ وقيعاسىنا قاتىستى ءانىن، كەيىن تىڭدارمان سۇراۋى بويىنشا بەينەكليپىن YouTube-قا جۇكتەگەن وعان قوقاڭ لوقى كورسەتىلگەن. ال اتالعان ۆيدەونى 140 مىڭ ادام تاماشالاپ ۇلگەرگەن.

تانىمال ءان تەك بۇل وقيعاعا قاتىستى ەمەس. ەلىمىزدەگى بىرقاتار نەگاتيۆتى جايتتار تىزبەكتەلىپ، الماتىداعى قۇلاعان كوپىر، پاراقورلىق فاكتىلەرى مەن جەتىمدەر جايى باياندالعان. تۋىندى ءبىر تۇندە جازىلىپ، ۆيدەونى ءجۋرناليستتىڭ جۇبايى دايىنداعان كورىنەدى.

«قازاقپىز عوي» ءانىنىڭ  تارالىمىنان سوڭ «ءالىبي الفونس پا؟» دەگەن سۇراق عالامتوردا قىزۋ تالقىلانىپ جاتىر. اۆتوردىڭ سوزىنە سۇيەنسەك جاستار ماحاببات ءۇشىن كۇرەسەدى، ول ءۇشىن اقى سۇرامايدى.

«مەن ءوزىم ءجۋرناليستپىن، سوندىقتان ءالىبيدىڭ اكەسىنىڭ 200 ملن تەڭگە سۇراعانىنان حاباردارمىن. كوپشىلىك مەنى قايرات جاماليەۆتىڭ تاپسىرىسىمەن وسىنداي قادامعا باردى دەپ ويلاپ ءجۇر. بىراق مەن ول ادامدى مۇلدەم تانىمايمىن. قىز ءۇشىن كوپ جىگىت سياقتى مەن دە تالاي توبەلەسكەنمىن. تاياق جەگەن كۇندەرىمىز دە از ەمەس. ونىڭ قاي-قايسىسىن جارنامالاپ وتىراسىڭ؟! ءالىبي وسى وقيعا ارقىلى پيار جيناپ وتىر. مەن وسى سەبەپتەن اتالعان ءاندى شىعاردىم»،- دەيدى اۆتور.

بۇل وقيعالاردان كەيىن جان احماديەۆكە ءتۇرلى قوڭىراۋ سوعىلعان. وزدەرىن كۇزەت قىزمەتىنىڭ قىزمەتكەرلەرى دەپ تانىستىرعان ولار، بەينەجازبانى جويۋدى تالاپ ەتكەن. بىراق جان جازبانىڭ جەلىدەن جويىلمايتىنىن جاريالاپ وتىر.

بەينەكليپتىڭ سوڭى «جالعاسى بار» دەگەن سوزبەن اياقتالدى. دەمەك جۋرناليست جاڭا تۋىندىسىمەن كورەرمەندەرىن قۋانتپاق.

baistars.kz