Jurnalist Jan Ahmadiev «Qazaqpız ğoy» dep atalatın beyneklipimen Qaznettiñ jwldızına aynaldı. Aldımen Älibi Jwmağwlovtıñ oqiğasına qatıstı änin, keyin tıñdarman swrauı boyınşa beyneklipin YouTube-qa jüktegen oğan qoqañ loqı körsetilgen. Al atalğan videonı 140 mıñ adam tamaşalap ülgergen.

Tanımal än tek bwl oqiğağa qatıstı emes. Elimizdegi birqatar negativti jayttar tizbektelip, Almatıdağı qwlağan köpir, paraqorlıq faktileri men jetimder jayı bayandalğan. Tuındı bir tünde jazılıp, videonı jurnalisttiñ jwbayı dayındağan körinedi.

«Qazaqpız ğoy» äniniñ  taralımınan soñ «Älibi al'fons pa?» degen swraq ğalamtorda qızu talqılanıp jatır. Avtordıñ sözine süyensek jastar mahabbat üşin küresedi, ol üşin aqı swramaydı.

«Men özim jurnalistpin, sondıqtan Älibidiñ äkesiniñ 200 mln teñge swrağanınan habardarmın. Köpşilik meni Qayrat Jamalievtiñ tapsırısımen osınday qadamğa bardı dep oylap jür. Biraq men ol adamdı müldem tanımaymın. Qız üşin köp jigit siyaqtı men de talay töbeleskenmin. Tayaq jegen künderimiz de az emes. Onıñ qay-qaysısın jarnamalap otırasıñ?! Älibi osı oqiğa arqılı piar jinap otır. Men osı sebepten atalğan ändi şığardım»,- deydi avtor.

Bwl oqiğalardan keyin Jan Ahmadievke türli qoñırau soğılğan. Özderin küzet qızmetiniñ qızmetkerleri dep tanıstırğan olar, beynejazbanı joyudı talap etken. Biraq Jan jazbanıñ jeliden joyılmaytının jariyalap otır.

Beynekliptiñ soñı «Jalğası bar» degen sözben ayaqtaldı. Demek jurnalist jaña tuındısımen körermenderin quantpaq.

baistars.kz