قازاقپىن!
kerey.kz
نۇربەك ءسابيرا ۇلى.
1990جىلى اقپىننىڭ 12-دە مونگوليادا بايان-ولگي ايماعىنىڭ التاي سۇمىنىندا دۇنيەگە كەلگەن. جاسىنان انانىڭ اق سۇتىمەن تۋعان جەردىڭ قاسيەتىمەن بويىنا دارىعان اقىندىق تالانتىنىڭ ارقاسىندا بۇل كۇنى كوپتەگەن ولەڭدەرى جارىق كورۋدە. اسىرەسە اناعا، تۋعان جەرگە، ۇلتقا دەگەن ماحابباتىنىڭ جەمىسىنەن تۋعان ولەڭدەرى ەرەكشە. اقىننىڭ ولەڭدەرى وزىندىك ەرەكشە قۇرىلىمىمەن ۇيقاستارىمەن وزگە اقىنداردىڭ تۋىندىلارىنان ايشىقتالادى.
قازاقپىن.
قىلىشىن قانعا باتىرعان،
ايداھارداي اقىرعان.
زامانىندا قالماققا،
ارىستان بولىپ اتىلعان،
قاھارمان باتل قازاقپىن.
قارشىعاداي قىراعى،
اق كوبىك شاشىپ پىراعى،
زۋلاعاندا قالماققا،
ابىلاي بولعان ۇرانى،
قالماقتى جەڭگەن قازاقپىن.
قاھارمان باتىل ۇلانى،
اقيىق قۇستاي قىراعى،
زۋلاعان جەبە وعىنداي،
استىندا تۇلپار پىراعى،
قالماقتى قىرعان قازاقپىن.
قامشىسىن جاۋعا بىلەگەن،
اللادان مەدەت تىلەگەن.
زىميان جاۋدىڭ كەگىنەن،
اتا مەن ۇل جۇدەگەن،
قايعى دا كورگەن قازاقپىن.
قانجار، قىلىش اسىنعان،
ايبىنىن جاۋدان اسىرعان،
زامانىندا جاۋلارى،
اياعىنا باس ۇرعان،
قايراتتى اسىل قازاقپىن.
قارا بالا قامى ءۇشىن،
الاشتىڭ باقىت باعى ءۇشىن.
زار جىلاعان تاپتالعان،
انالاردىڭ ارى ءۇشىن،
قان توگىس كورگەن قازاقپىن.
قۇرمەتتەپ دوستىق پارىزىن،
اتانىڭ اقىل، ار-ءىزىن.
زۋلاعان جاۋدىڭ وعىنا،
انانىڭ اقتاپ قارىزىن،
قارسى تۇرعان قازاقپىن.
قاستاندىق كورىپ قىرىلعان،
اق تابان بولىپ شۇبىرعان.
زامانىندا ناۋبەتتىڭ،
القىمعا جانى تىعىلعان،
قاسىرەت تە كورگەن قازاقپىن.
قان ساسىپ جازىق دالاسى،
اڭىراپ تالاي اناسى،
زار جىلاپ جەتىم جەسىرلەر،
اۋىرساداعى جاراسى،
قايىسپاعان قازاقپىن.
قازاقپىن ءادىل داۋىنا،
ايبارلى، قاتال جاۋىنا،
زاماندا بەيبىت مامىرجاي،
اق وردا تىگىپ تاۋىنا،
قىر جايلاعان قازاقپىن.
نامىسىن قولدان بەرمەگەن،
ۇل مەنەن قىزىن تەڭ كورگەن.
رازى بولسا جاتتى دا،
باۋىرىمەنەن تەڭگەرگەن.
ەڭبەكپەن ەگىز جارالعان،
كوك ءبورى تەكتەس قازاقپىن.
باتىر اقىن بي دە تۋعان قازاقپىن،
ەگەمەندى ەل، تاۋەلسىزبىن ازاتپىن.
باسقا ۇلتتاردان تاعى ەرەكشە ءبىر سىرىم،
دۇرىس وقى، تەرىس وقى قازاق-پىن.
kerey.kz
پىكىر قالدىرۋ