بىزگە سااكاشۆيلي سياقتى اكىمدەر كەرەك!
kerey.kz
ۋكراينانىڭ ودەسساسىنا اكىم بولىپ بارعان ميحايل سااكاشۆيلي وتكەندە بازار ارالاپ، ساتۋشىلارمەن اڭگىمەلەسىپ جۇرگەن ەدى. بۇگىن “مارشرۋتكاعا” وتىرىپ الىپ، ءبىر اۋىلعا كەتتى. جول ۇستىندە جولاۋشىلارمەن اڭگىمەلەسىپ، ەلدىڭ ناقتى جاعدايىن ءبىلىپ الدى. وسىنى كورىپ وتىرىپ ءوزىمنىڭ ءبىراز قىلىقتارىم ەسىمە تۇسكەنى. wink emoticon
2005-جىل. “قازاقستان” ۇلتتىق تەلەارناسىنىڭ شقو بويىنشا مەنشىكتى ءتىلشىسىمىن. ءسوز بوستاندىعى ازداپ بولسىن بارتۇعىن. وبلىستىق ءماسليحات سەسسياسىنا قاتىسامىن. ءار تاقىرىپقا وراي قۇجاتتاردى الىپ كەتەمىن.
تاكس… جارما اۋدانىنا “تازا سۋ” باعدارلاماسى بويىنشا بالەمباي ملن. تەڭگە ءبولىنىپتى. ونىڭ وسىنشاسى قالباتاۋعا بولىنگەن. جول بويىنا قۇبىر تارتىپ، كولونكالار ورناتىلعان دەگەن ەسەپ تە اكىمنەن بەرىلىپ قويعان.
تاك-تاك… ال مىناۋ نە… مىناۋ زايسان اۋدانى تۋرالى. سارى شي مەن قاراتال اۋىلىنا ەلەكتر سىمىن تارتۋعا بالەمباي ملن. بولىنگەن. (دىڭگەكتەرى تۇر. ال سىمدى 90-جىلدارى قىتاي اسىرىپ جىبەرگەنبىز).
سالىپ ۇرىپ وسكەمەننەن 110 شاقىرىم جەردەگى جارما اۋدانىنا بارامىن. اكىمنىڭ قولى تيمەيدى. قابىلدامايتىنىن ءبىلىپ وتىرمىن. بازارعا بارام. اشۋلى ايەلدەر ەكى قولىن بۇيىرىنە تايانىپ تۇرىپ، “سۋ كورسەك كوزىمىز شىقسىن” دەپ باستاپ، اۋدانداعى بۇكىل ماسەلەنى ايتىپ بەرەدى. بىرەۋ انا جاققا جەتكىزە قويادى. ول جاقتان اۋدان اكىمىنىڭ ورىنباسارى دا دەرەۋ جەتىپ كەلەدى. “ايەكە، اكىم ءسىزدى كۇتىپ وتىر. شارشاپ كەلگەن شىعارسىز. مەيرامحانادا داستارقان جايۋلى. ءبىز وندا بارعانشا، شوپىرىڭىزدى جانارماي بەكەتىنە جىبەرە سالىڭىز. بەنزين قۇيىپ السىن.” ەندى مەن قىرسىعا قالامىن. اكىمنىڭ “قولى تيمەگەنى” ەسىمە تۇسە كەتەدى. قىرسىعاتىن ءجونىم بار. ويتكەنى، قولدا بوپسالايتىن ماتەريال تۇر. سول شالقايعان قالپى زايسانعا تارتامىن. قاراتال اۋىلىنا قاراڭعى تۇسە جەتەمىز. ەرتەڭىندە اۋىلدىڭ ءبىر اقساقالىن تاۋىپ الامىن. ء“بىر تاۋدىڭ قۋىسىندا، ءبىر قۇدايدىڭ ۋىسىندا جاتقان ەلمىز” دەپ باستايدى. “مىناۋ نەمەنە نارسە؟”. “بۇل “كۇنجارىق” دەگەن نارسە” دەيدى قاريامىز. قىتايدان اكەلگەن. كۇننەن قۋات الادى. ۇيگە جارىق بەرۋگە كۇشى جەتەدى. “ەلەكتر سىمى قايدا، وسىنشا اقشا ءبولىنىپتى عوي” دەيمىن مەن. “قايداعى ەلەكتر سىمى؟!” دەپ وزىمە ۇرسادى. مۇنىڭ ءبارىن كامەراعا جازىپ الامىن.
وي، بارلىق اۋداندى ارالادىق قوي. بورودۋليحا اۋدانىنا دا تالاي باردىم. قازاقتى ەمگە تاپپايسىڭ. تاپقانىڭ ءتىلىن ۇمىتىپ قالعان. “5 سەميا ورالمان كەلگەن قىتايدان. قاشىپ كەتتى سەمەي جاققا” دەپ جاماندايدى اكىمى. “نەگە؟” دەيمىن عوي. “بىلمەيمىن. ءۇي بەردىك. ءبارىن بەردىك” دەيدى. “قاشقىنداردى” قۋالاپ ءجۇرىپ تاۋىپ الامىن. “500 شاقىرىم جەردەگى وسكەمەندەگى ينتەرناتقا بالالارىمىزدى بەرىپ قويدىق” دەپ باستايدى جىگىت اعاسى. “نەگە” دەيمىن تاعى. “مۇندا قازاق مەكتەپ جوق. جالپى قازاق جوق. ەشكىممەن ادامشا سويلەسە المايمىن. قۇسا بولدىم” دەيدى.
بۇل ماتەريالداردى استاناعا جىبەرەمىز. كورسەتسە كورسەتتى، كورسەتپەسە قويدى. كوبىنەسە كورسەتىپ جاتادى. كورسەتۋىنىڭ سەبەبى، جاڭالىقتار ءبولىمىن باسقارىپ Galym Bokash دەگەن جىگىت وتىر. ايتپاقشى، تۋعان كۇنىڭىز قۇتتى بولسىن! قايدا جۇرسەڭىز دە، امان بولىڭىز!
سونىمەن… اۋدان اكىمدەرى مەنى كورسە قاشادى. مەن ولاردان قاشىپ بازارعا بارامىن.
ايتايىن دەگەنىم، بىزگە سااكاشۆيلي سياقتى اكىمدەر كەرەك. ءار قالاعا. ءار اۋدانعا. ءار اۋىلعا. سوندا جەمقورلىقپەن كۇرەس اگەنتتىگى جۇمىسسىز قالار ەدى.
وسكەمەنەن ايدوس جۇقانۇلى، الەكساندر پەتەلين. “قازاقستان” ۇلتتىق تەلەارناسى. smile emoticon
ايدوس جۇقانۇلى facebook پاراقشاسىنان الىندى
پىكىر قالدىرۋ