قىزىلوردا وبلىستىق ءبىلىم باسقارماسى ءباسپاسوز قىزمەتىنىڭ حابارلاۋىنشا، قازاق دياسپوراسى بالالارىنىڭ انا ءتىلى، قازاق ادەبيەتى، قازاقستان تاريحى، مادەنيەتى مەن ونەرى بويىنشا تانىمدىق قابىلەتىن دامىتۋ، الەمنىڭ ءار ەلدەرىندە تۇراتىن قازاق جاستارىنىڭ دوستىق بايلانىستارىنا ىقپال ەتۋ، قازاق دياسپوراسى وكىلدەرى اراسىندا قازاق ءتىلىن مەڭگەرۋ، مادەنيەتىنىڭ دەڭگەيىن كوتەرۋ جانە ەلىمىزدىڭ تاريحىنا، قازاقستاننىڭ قازىرگى دامۋىنا قىزىعۋشىلىقتارىن ارتتىرۋ ماقساتىندا وتكەن جارىستا يران مەملەكەتىنەن – 5, وزبەكستاننان – 9, قىتايدان – 3, تۇركىمەنستاننان – 1, موڭعوليادان – 2, رەسەي فەدەراتسياسىنىڭ ماسكەۋ قالاسىنان – 3, سامارا قالاسىنان – 2 جانە ومبى قالاسىنان – 4 وقۋشى قاتىسىپ، جالپى 29 وقۋشى ءوز باقتارىن سىنادى.
وليمپيادادا حالىقارالىق قازاق ءتىلى قوعامىنىڭ پرەزيدەنتى، اكادەميك ومىرزاق ايتبايۇلى قازىلار القاسىنا توراعالىق ەتىپ، قازىلار القاسىنىڭ مۇشەلەرى بولىپ ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پرورەكتورى، فيلولوگيا عىلىمدارىنىڭ دوكتورى، پروفەسسور قۇلبەك ەرگوبەك، «ەگەمەن قازاقستان» رەسپۋبليكالىق گازەتى رەداكتورىنىڭ ورىنباسارى سۇلەيمەن بايباباۇلى مامەت، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ قازاق ءتىلى مەن ادەبيەتى كافەدراسىنىڭ مەڭگەرۋشىسى ، پەداگوگيكا عىلىمدارىنىڭ دوكتورى، پروفەسسور تۇرسىنبەك مولداحانۇلى بايمولداەۆ، ابىلايحان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىنىڭ دوتسەنتى، فيلولوگيا عىلىمدارىنىڭ كانديداتى گۋلزاميرا جولداسبەكقىزى ايتباەۆا، وڭتۇستىك قازاقستان مەملەكەتتىك ينستيتۋتىنىڭ عالىم حاتشىسى، فيلولوگيا عىلىمدارىنىڭ كانديداتى، دوتسەنت ايتكۇل دوسىباەۆا، رەسپۋبليكالىق «بالداۋرەن» وقۋ-ساۋىقتىرۋ ورتالىعىنىڭ باس ديرەكتورى مۋحيتدين بەكبولاتۇلى تولەپباي، قر ۇعا كوررەسپوندەنت مۇشەسى ءتىلداش رىسقۇلبەكقىزى بيتۋوۆا، قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ دوتسەنتى، فيلولوگيا عىلىمدارىنىڭ كانديداتى شانجارحان بەكماعامبەتوۆ، قىزىلوردا وبلىستىق ىشكى ساياسات ءبولىمىنىڭ مامانى (پارسى ءتىلى) ءشارىباي توبجانوۆ جانە قازانعاپ اتىنداعى قىزىلوردا مۋزىكالىق كوللەدجنىڭ وقىتۋشىسى ابجالەل اليحانۇلى بەكينباەۆتار بەلگىلەنگەن بولاتىن.

قازىلار القاسىنىڭ شەشىمىمەن تومەندەگى قاتىسۋشىلار جۇزدەن جۇيرەك شىعىپ، جۇلدەلى ورىنداردان كورىندى.

I دارەجەلى وليمپيادا جەڭىمپازدارى:

1. قىدىرباەۆ نۇرسەيىت – 11 سىنىپ (وزبەكستان)

2. تۇرداليەۆا گۇلدانا – 11 سىنىپ (وزبەكستان)

3. تاني احماد – 12 سىنىپ (يران)

II دارەجەلى وليمپيادا جەڭىمپازدارى:

1. ءجاننات باتىرعازىقىزى – 12 سىنىپ (قىتاي)

2. ءمادينا ادەبيەتقىزى – 12 سىنىپ (قىتاي)

3. داريعا باقبەرگەن – 12 سىنىپ (موڭعوليا)

4. ءمولدىر مەدەلحانقىزى – 12 سىنىپ (قىتاي)

5. كۇنتۋعان اقجارقىن – 10 سىنىپ (موڭعوليا)

III دارەجەلى وليمپيادا جەڭىمپازدارى:

1. ابدۋسەيتوۆا بالجان – 11 سىنىپ (وزبەكستان)

2. مۇحانوۆ باۋىرجان – 11 سىنىپ (تۇركىمەنستان)

3. ورازباەۆا ەلميرا – 11 سىنىپ (رەسەي)

4. مۋزينا ۆيولەتتا – 10 سىنىپ (رەسەي)

5. سابدەنوۆ نۇرسۇلتان – 10 سىنىپ (وزبەكستان)

6. شايسلاموۆا سابينا – 10 سىنىپ (وزبەكستان)

7. تاني مۇحامماد – 8 سىنىپ (يران)

8. ابۋلكاشوۆا دايانا – 9 سىنىپ (رەسەي)

9. قازاق نادەر – 10 سىنىپ (يران)

ال حالىقارالىق وليمپيادانىڭ جابىلۋ ءراسىمى 25 ماۋسىم كۇنى ساعات 17.00-دە ا.توقماعانبەتوۆ اتىنداعى قىزىلوردا قالالىق مادەنيەت ءۇيى زالىندا وتكىزىلىپ، قازىلار القاسىنىڭ شەشىمى بويىنشا جوعارعى 10-11-12 سىنىپ وقۋشىلارى اراسىنان جەڭىمپاز اتانعان وقۋشىلار قازاقستان رەسپۋبليكاسىنىڭ ءبىلىم جانە عىلىم ءمينيسترىنىڭ I, II, III دارەجەلى ديپلومدارىمەن، گراموتالارمەن جانە ءتۇرلى نوميناتسيالار بويىنشا ماراپاتتالادى.

سونىمەن قاتار، ون ەكى جىل بويى وقۋشىلارى وليمپيادادا جەڭىمپاز اتانىپ جۇرگەن كوماندا جەتەكشىلەرىنە قازاقستان رەسپۋبليكاسىنىڭ ءبىلىم جانە عىلىم ءمينيسترىنىڭ گراموتالارى بەرىلدى.

baq.kz