«Qazaqstan – ata jwrtım, qasietim – ana tilim» attı XII halıqaralıq olimpiada märesine jetti
Şetelde twratın qazaq diasporasınıñ erekşe darındı balaların anıqtau jäne olarğa qoldau körsetu maqsatında Qazaqstan Respublikasınıñ Bilim jäne ğılım ministrligi, «Darın» respublikalıq ğılımi-praktikalıq ortalığı men Qızılorda oblıstıq bilim basqarmasınıñ wyımdastıruımen ağımdağı jıldıñ 22-26 mausımı aralığında Qızılorda qalası, №4 oblıstıq darındı balalarğa arnalğan mektep-internatınıñ bazasında qazaq tili men ädebieti päni boyınşa «Qazaqstan – ata jwrtım, qasietim – ana tilim» attı XII halıqaralıq olimpiada ötkizildi.
Qızılorda oblıstıq Bilim basqarması baspasöz qızmetiniñ habarlauınşa, qazaq diasporası balalarınıñ ana tili, qazaq ädebieti, Qazaqstan tarihı, mädenieti men öneri boyınşa tanımdıq qabiletin damıtu, älemniñ är elderinde twratın qazaq jastarınıñ dostıq baylanıstarına ıqpal etu, qazaq diasporası ökilderi arasında qazaq tilin meñgeru, mädenietiniñ deñgeyin köteru jäne elimizdiñ tarihına, Qazaqstannıñ qazirgi damuına qızığuşılıqtarın arttıru maqsatında ötken jarısta Iran memleketinen – 5, Özbekstannan – 9, Qıtaydan – 3, Türkimenstannan – 1, Moñğoliyadan – 2, Resey Federaciyasınıñ Mäskeu qalasınan – 3, Samara qalasınan – 2 jäne Ombı qalasınan – 4 oquşı qatısıp, jalpı 29 oquşı öz baqtarın sınadı.
Olimpiadada Halıqaralıq qazaq tili qoğamınıñ prezidenti, akademik Ömirzaq Aytbaywlı qazılar alqasına törağalıq etip, qazılar alqasınıñ müşeleri bolıp Q.A.YAsaui atındağı Halıqaralıq qazaq-türik universitetiniñ prorektorı, filologiya ğılımdarınıñ doktorı, professor Qwlbek Ergöbek, «Egemen Qazaqstan» respublikalıq gazeti redaktorınıñ orınbasarı Süleymen Baybabawlı Mämet, Abay atındağı Qazaq wlttıq pedagogikalıq universitetiniñ qazaq tili men ädebieti kafedrasınıñ meñgeruşisi , pedagogika ğılımdarınıñ doktorı, professor Twrsınbek Moldahanwlı Baymoldaev, Abılayhan atındağı halıqaralıq qatınastar jäne älem tilderi universitetiniñ docenti, filologiya ğılımdarınıñ kandidatı Gulzamira Joldasbekqızı Aytbaeva, Oñtüstik Qazaqstan memlekettik institutınıñ ğalım hatşısı, filologiya ğılımdarınıñ kandidatı, docent Aytkül Dosıbaeva, Respublikalıq «Baldäuren» oqu-sauıqtıru ortalığınıñ bas direktorı Muhitdin Bekbolatwlı Tölepbay, QR WĞA korrespondent müşesi Tildaş Rısqwlbekqızı Bituova, Qorqıt Ata atındağı Qızılorda memlekettik universitetiniñ docenti, filologiya ğılımdarınıñ kandidatı Şanjarhan Bekmağambetov, Qızılorda oblıstıq işki sayasat böliminiñ mamanı (parsı tili) Şäribay Tobjanov jäne Qazanğap atındağı Qızılorda muzıkalıq kolledjniñ oqıtuşısı Abjalel Alihanwlı Bekinbaevtar belgilengen bolatın.
Qazılar alqasınıñ şeşimimen tömendegi qatısuşılar jüzden jüyrek şığıp, jüldeli orındardan körindi.
I därejeli olimpiada jeñimpazdarı:
1. Qıdırbaev Nwrseyit – 11 sınıp (Özbekstan)
2. Twrdalieva Güldana – 11 sınıp (Özbekstan)
3. Tani Ahmad – 12 sınıp (Iran)
II därejeli olimpiada jeñimpazdarı:
1. Jännat Batırğazıqızı – 12 sınıp (Qıtay)
2. Mädina Ädebietqızı – 12 sınıp (Qıtay)
3. Dariğa Baqbergen – 12 sınıp (Moñğoliya)
4. Möldir Medelhanqızı – 12 sınıp (Qıtay)
5. Küntuğan Aqjarqın – 10 sınıp (Moñğoliya)
III därejeli olimpiada jeñimpazdarı:
1. Abduseytova Baljan – 11 sınıp (Özbekstan)
2. Mwhanov Bauırjan – 11 sınıp (Türkimenstan)
3. Orazbaeva El'mira – 11 sınıp (Resey)
4. Muzina Violetta – 10 sınıp (Resey)
5. Sabdenov Nwrswltan – 10 sınıp (Özbekstan)
6. Şaislamova Sabina – 10 sınıp (Özbekstan)
7. Tani Mwhammad – 8 sınıp (Iran)
8. Abulkaşova Dayana – 9 sınıp (Resey)
9. Qazaq Nader – 10 sınıp (Iran)
Al halıqaralıq olimpiadanıñ jabılu räsimi 25 mausım küni sağat 17.00-de A.Toqmağanbetov atındağı Qızılorda qalalıq mädeniet üyi zalında ötkizilip, qazılar alqasınıñ şeşimi boyınşa joğarğı 10-11-12 sınıp oquşıları arasınan jeñimpaz atanğan oquşılar Qazaqstan Respublikasınıñ Bilim jäne ğılım ministriniñ I, II, III därejeli diplomdarımen, gramotalarmen jäne türli nominaciyalar boyınşa marapattaladı.
Sonımen qatar, on eki jıl boyı oquşıları olimpiadada jeñimpaz atanıp jürgen komanda jetekşilerine Qazaqstan Respublikasınıñ Bilim jäne ğılım ministriniñ gramotaları berildi.
baq.kz
Pikir qaldıru