نەگىزى بۇل پوۆەست ومىردەن الىنعان. ناۋبەت جىلدارى ميلليونداعان قازاقتى اشتان الىپ قالعان تۇراردىڭ اكەسى رىسقۇل جىلقايدارۇلى بولىس سايماساي ۇشكەمپىروۆتى تاۋ باسىنان اتىپ قۇلاتقان. سودان بولىستىڭ اعايىن-تۋىسى رىسقۇلدى سىبىرگە ايداتىپ، 11 جاسار تۇراردى باۋىزداپ ولتىرمەك بولىپتى. سول كەزدە قارشاداي بالانى قانعا بوكتىرگىسى كەلگەن «قازاعىم» تۇرارداي قازاقتان قانداي تۇلعانىڭ قالىپتاسارىن ءبىلدى مە ەكەن؟! ءاي قۇداي-اي! بەرتىن كەلە سول قارشاداي بالا ازامات بولىپ، اشتىقتان ءولىپ جاتقان قازاقتاردىڭ ماسەلەسىن ايتىپ ستاللينگە حات جازدى. الاشتىڭ مارعاسقالارى مۇحامەدجان تىنىشباەۆقا، سانجار اسفەندياروۆقا قىزمەت بەرگىزىپ، نەگىزسىز جالامەن وقۋدان شىعىپ قالعان دىنمۇحامەد قوناەۆتى ءۇش ساعات ىشىندە وقۋىنا قايتا ورنالاستىردى. باۋىرجان مومىشۇلىن وقۋعا ءتۇسىرىپ، قانىش ساتباەۆتى جەزقازعاننىڭ كەنىن اشۋعا شاقىردى. موڭعوليادا ەلشىلىكتە ءجۇرىپ، استاناسىنىڭ اتىن ۇلان-باتور دەپ قويعىزىپ، شىڭعىسحاننىڭ «قازىرگى» توتە ۇرپاقتارىنا كونستيتۋتسيا نەگىزدەرىن جازىپ بەرىپ كەتتى. سول…..سول…….سول كەزدەرى مۇحتار اۋەزوۆپەن دە جاقىن ارالاسقان تۇرار اكەسى رىسقۇلدىڭ باسىنان وتكەن ازاپتى بايانداعان عوي! كەيىن قاسىرەتتى اڭگىمە پوۆەسكە جەلى بولىپ ءتۇسىپ، «قاراش-قاراش» جازىلدى!