كوز قاراس ساياسات

كارىم قاجىمقانۇلى، ءوز ەركىڭىزبەن ورنىڭىزدى بوساتىڭىز!!!

kerey.kz

 |  Sep 14, 2015

ۇكىمەت باسى بولسا، ا́نگەلا مە́ركەلدەي-اق بولسىن!
باسىنا كۇن تۋىپ، تۋعان جەرىن تاستاپ قاشقان بوسقىنداردى قابىلداۋ تۋرالى ءبىرىنشى بولىپ گەرمانيا ۇكىمەتى شەشىم قابىلدادى. بۇل ەل «بولجام بويىنشا بيىل گەرمانيا 800 مىڭعا تاياۋ ميگرانت قابىلداۋى مۇمكىن» -دەپ جازدى «ازاتتىق راديوسىنىڭ» سايتى. سول-اق ەكەن، بۇكىل باتىس ەلى سول بوسقىنداردى قابىلداي باستادى. ءتىپتى، اقش ەكەش، اقش-تىڭ ءوزى دە!
قاراپ وتىرىپ، ا́نگەلا مە́ركەلگە ريزا بولاسىڭ! سان مىڭداعان سول بەيباقتارعا «ۇلتىڭ كىم؟»، «رۋىڭ قالاي؟» دەپ جاتقان جوق. قاي دىنگە سەنەتىنىنە، قاي اعىمنىڭ جەتەگىندە جۇرگەنىندە دە جۇمىسى بولعان جوق. كەرەك بولسا، تەرروريزممەن قاتىسى بار ما، جوق پا; ءوز ەلىندە سوتتالعان با، سوتتالماعان با، ونى دا سۇرعان جوق!
قايتا، الىستان ءبىر جەتپىس جەتى اتاسى، بىرگە تۋىساتىن ەتجاقىنى، تۋعان باۋىرلارى نەمەسە توركىنى كەلگەندەي مارە-سارە بولىپ قۋانىپ ءجۇر مە́ركەل اپاي! سوناۋ جىلى ىدىراعان كەڭەس وداعىنان نەمىستەر كوشىپ كەلگەندەي جارق-جۇرق ەتەدى بايقۇس!!! قازىردىڭ وزىندە بۇل ەل بوسقىندارعا ارناپ تۇرار جاي دايىنداپ جاتىر. ەۆرو دەگەنىڭدى ميلليونداپ اجىرتاتۋدا. كەلەشەكتە، مۇسىلمان بوسقىندارعا دەپ 200-دەي مەشىت سالىناتىنى دا ايتىلدى. ونىمەن قويماي، مە́ركەل ەو-نىڭ بارلىق ەلدەرى بوسقىنداردى قابىلداۋعا مىندەتتى ەكەنىن دە مالىمدەدى…
ال، ءبىزدىڭ ۇكىمەت؟!!
ءبىزدىڭ ۇكىمەت بوسقىن تۇرماق، ءوز اياعىمەن، ءوز قاراجاتىمەن كوشىپ كەلگەلى وتىرعان ءوز قازاعىمىزدى قابىلداۋعا قارسى! ەلباسى ۇكىمەتكە قايتادان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» تاپسىرما بەرگەلى قاشان؟! 2014-جىلدىڭ 04-مامىرىندا №1026 بۇيرىق تۇسىرگەن بولاتىن نۇرەكەڭ. سودان بەرى تابانى كۇرەكتەي ءبىر جىل، ءتورت اي ءوتتى، زاڭ جوباسى ءماجىلىستىڭ تالقىلاۋىنان ءالى شىققان جوق. قولدانىستاعى كوشى-قون زاڭىنىڭ قانداستارىمىزدىڭ تۇراقتى تىركەۋىنە باس كەدەرگى بولىپ وتىرعان 49-بابىنىڭ 9-تارماعىنا ءماجىلىس وزگەرىس ەنگىزىپ، ۇكىمەتكە جولداعان ەدى، ك.ءماسىموۆ ونى قابىلداماي، كەرى قايتارىپ تاستاپتى. سەبەپ، قازاقستانعا ورالماندارمەن بىرگە «تەرروريستەر» مەن «ەكسترەميستەر» كىرىپ كەتەدى ەكەن! بۇل سودان ساقتانعان ءتۇرى ەكەن وزىنشە!!!
دەمەك، كوشى-قون تۋرالى زاڭ جوباسى وسى بەتى قابىلدانسا، قىتايدان كەلەتىن قانداستارىمىز ازاماتتىق الۋ بىلاي تۇرسىن، تۇراقتى تىركەۋدىڭ وزىنە تۇر الماي قاڭعىپ قالعالى تۇر. قازىردىڭ وزىندە كوشىپ كەلىپ العان نەشە مىڭداعان وتباسى سول كەدەرگىنىڭ زاردابىن وڭباي تارتۋدا!
ءوتى جارىلىپ كەتسە دە ايتايىن، الباستى باسقىر كارىم ءماسىموۆ، قازاقشا ايتقاندا، سول كارى قاتىن ا́نگەلا مە́ركەل قۇرلى بولمادى عوي!
كەشە اعانا وتكەن قازاق حاندىعىنىڭ 550 جىلدىعىنا ارنالعان سالتاناتتى جينالىستا ەلباسى “ەلىمىز ەگەمەندىگىن العاننان كەيىن، جاعدايدىڭ قيىندىعىنا قاراماستان، تاعدىردىڭ جازۋىمەن دۇنيەنىڭ ءتورت بۇرىشىنا تارىداي شاشىلىپ كەتكەن ميلليوننان استام قانداسىمىزدى اتامەكەنگە قايتارىپ الىپ كەلدىك. بۇل كوش ءالى جالعاسۋدا” دەدى. وسىعان قاراعاندا ۇكىمەت پرەزيدەنتتى “قانداستارىمىز كوشىپ كەلىپ جاتىر” دەپ الداپ جۇرگەنگە ۇقسايدى. كوش توقتاعالى قاشا؟!
سوندىقتان، كارىم قاجىمقانۇلى، ءوز ەركىڭىزبەن ورنىڭىزدى بوساتىڭىز! بۇيتە بەرسەڭىز ءسىز ۇلت كوشباسشىسى نۇرسۇلتان نازارباەۆتىڭ دا، تاۋەلسىز قازاقستاننىڭ دا تۇبىنە جەتەسىز!!!
اۋىت مۇقيبەك
14.09.2015
استانا
facebook پاراقشاسىنان الىندى