قانات يسلام، بوكسشى: جاستاردىڭ جiگەرiنە رازى بولدىم
kerey.kz
كاسiپقوي بوكستا 20 جەكپە-جەك وتكiزiپ، بارلىعىن جايپاپ، 15 جەكپە-جەگiندە قارسىلاسىن ەسiنەن تاندىرا ساباعان جامپوز قانات يسلام ەلگە كەلدi. قاراعاندى قالاسىندا ءوتiپ جاتقان حالىقارالىق تۋرنيرگە قۇرمەتتi قوناق رەتiندە قاتىسىپ، بوكسشىلاردىڭ اياق الىسىن بايقاعان بوكسشىنى از-كەم اڭگiمەگە تارتتىق.
– قانات، ەلگە امان-ەسەن ورالۋىڭمەن! ايگiلi پروموۋتەر ەل حەيمونمەن كەلiسiمشارتقا قول قويدىڭ. دەمەك، كاسiپقوي بوكستا ورلەۋگە مۇمكiندiك تۋدى عوي.
– ارينە، ەل حەيموننىڭ ەسiمi كاسiپقوي بوكستا وراسان بەدەلگە يە. اقش-تا عانا ەمەس، الەمگە دە بەدەلدi تۇلعا. وزگەسiن ايتپاعاننىڭ وزiندە كiشi فلويد مەيۆەزەردiڭ سوڭعى جەكپە-جەگiنە دەيiن مەنەدجەرi بولدى. قانداسىمىز بەيبiت شۇمەنوۆكە دە پروموۋتەر بولىپ ءجۇر. بiز وسى كەلiسiمشارتتى سەگiز ايعا جۋىق كۇتتiك. وسى ارالىقتا ءتۇرلi ۇسىنىستار، وزگە پروموۋتەرلiك كومپانيالاردان شاقىرتۋلار بولدى. بiراق ولاردىڭ ۇسىنىس، شارتى بiزدiڭ تالعامىمىزدان شىققان جوق. ەل حەيموننىڭ پروموۋتەرلiك كومپانياسى كەلەسi جىلى بەس جەكپە-جەك وتكiزۋگە مۇمكiندiك تۋعىزامىز دەپ وتىر.
– الداعى جەكپە-جەكتەردە قارجىلاي سىياقى تولەنە مە؟
– وسى كۇنگە دەيiنگi وتكiزگەن ايقاستارىمنىڭ دەنi دارەجە كوتەرۋ ءۇشiن بولدى. مايتالمان مەنەدجەر ەل حەيمونمەن تiزە قوسىپ جۇمىس iستەيتiن بولعاندىقتان، ەندiگi ايقاستاردا سىياقى تولەنۋi تيiس.
– قازاق بوكسىنا ەڭبەگi سiڭگەن باپكەر عالىم جارىلعاپوۆتى ەسكە تۇسiرۋگە ارنالعان حالىقارالىق تۋرنيردi تاماشالادىڭ. بوكسشىلارىمىزدىڭ شاما-شارقى قاي دەڭگەيدە ەكەن؟
– ۇلتتىق قۇرامانىڭ بەلدi بوكسشىلارى اتانىپ، بiرنەشە جىلدان بەرi بiرiنشi ءنومiرلi اتانىپ جۇرگەن كەي بوكسشىلاردىڭ اتىنان اۋىپ قالۋىنان-اق تۋرنيردiڭ دارەجەسi قاي دەڭگەيدە ەكەنiن باعامداۋعا بولادى. قازاق بوكسىندا جاستاردىڭ تەگەۋرiنi قۋانتتى. الەم چەمپيوناتىندا، جازعى وليمپيادا ويىندارىندا ولجا سالىپ جۇرگەن ساڭلاقتاردى سۇرiندiرگەن جاستاردىڭ جiگەرلi ەكەنiنە رازى بولدىم.
– وسى تۋرنيرگە قىتاي قۇراماسى دا قاتىستى. حانزۋلاردىڭ قاتارىندا قازاق بوكسشىلارى بولعانىنا رازى بولدىق. ءوزiڭ ون مارتە قىتاي چەمپيوناتىندا توپ جاردىڭ، الەم چەمپيوناتىنىڭ، بەيجiڭ وليمپياداسىنىڭ قولا جۇلدەسiن يەلەندiڭ.
– وكشەمiزدi باسىپ كەلە جاتقان جاستاردىڭ قىتاي قۇراماسىنا ەنۋi وراسان جەتiستiك. ميللياردتاعان حانزۋدىڭ اراسىندا ءجۇرiپ، قۇراماعا iلiنۋ ءۇشiن از كۇشiڭدi سارقىمايسىڭ. بiزدەن كەيiن جارقىراپ كورiنگەن جiگiتتەردiڭ جەكپە-جەگiن وسى تۋرنيردە باعامدادىم، جۇدىرىقتاسۋ شەبەرلiكتەرi شىڭدالىپ كەلەدi ەكەن.
سۇحباتتاسقان ن. جومارت.
zhasalash.kz
پىكىر قالدىرۋ