– Ärine, El Heymonnıñ esimi käsipqoy boksta orasan bedelge ie. AQŞ-ta ğana emes, älemge de bedeldi twlğa. Özgesin aytpağannıñ özinde kişi Floyd Meyvezerdiñ soñğı jekpe-jegine deyin menedjeri boldı. Qandasımız Beybit Şümenovke de promouter bolıp jür. Biz osı kelisimşarttı segiz ayğa juıq küttik. Osı aralıqta türli wsınıstar, özge promouterlik kompaniyalardan şaqırtular boldı. Biraq olardıñ wsınıs, şartı   bizdiñ talğamımızdan şıqqan joq. El Heymonnıñ promouterlik kompaniyası kelesi jılı bes jekpe-jek ötkizuge mümkindik tuğızamız dep otır.

– Osı künge deyingi ötkizgen ayqastarımnıñ deni däreje köteru üşin boldı. Maytalman menedjer El Heymonmen tize qosıp jwmıs isteytin bolğandıqtan, endigi ayqastarda sıyaqı tölenui tiis.

– Qazaq boksına eñbegi siñgen bapker Ğalım Jarılğapovtı eske tüsiruge arnalğan halıqaralıq turnirdi tamaşaladıñ. Boksşılarımızdıñ şama-şarqı qay deñgeyde eken?

– Wlttıq qwramanıñ beldi boksşıları atanıp, birneşe jıldan beri birinşi nömirli atanıp jürgen key boksşılardıñ atınan auıp qaluınan-aq turnirdiñ därejesi qay deñgeyde ekenin bağamdauğa boladı. Qazaq boksında jastardıñ tegeurini quanttı. Älem çempionatında, jazğı Olimpiada oyındarında olja salıp jürgen sañlaqtardı sürindirgen jastardıñ jigerli ekenine razı boldım.

– Osı turnirge Qıtay qwraması da qatıstı. Hanzulardıñ qatarında qazaq boksşıları bolğanına razı boldıq. Öziñ on märte Qıtay çempionatında top jardıñ, älem çempio­natınıñ, Beyjiñ Olimpiadasınıñ qola jüldesin ielendiñ.

– Ökşemizdi basıp kele jatqan jastardıñ Qıtay qwramasına enui orasan jetistik. Milliardtağan hanzudıñ arasında jürip, qwramağa ilinu üşin az küşiñdi sarqımaysıñ. Bizden keyin jarqırap köringen jigitterdiñ jekpe-jegin osı turnirde bağamdadım, jwdırıqtasu şeberlikteri şıñdalıp keledi eken.

zhasalash.kz