ياساۋي دارىستەرىنەن
kerey.kz
ياساۋي اتامىز “فاقرناما” دەگەن تراكتاتىندا ەڭ باستى قۇندىلىقتىڭ ادام ەكەندىگىن قۇران رۋحىندا تۇسىندىرەدى. ناعىز اللاعا مويىنسۇنۋشى ياعني تاسليم بولعان مۇسىلمان ادامنىڭ سيپاتىن قازاقى تانىممەن قاراپايىم عانا بەلگىلەپ بەرەدى. ناعىز مۇسىلمان ادام ول ء“بىر داستارقان باسىندا وتىرعان كىم بولسا دا ول حريستيان با، پۇتپەرەس پا، وتقا تابىنۋشى ما، ءجويت پا سوعان كوڭىل بولمەيتىن ادام” دەيدى. بۇل ءياساۋيدىڭ “يماني گۇل” ساتىسىنداعى ادامعا دەگەن قۇرمەتى مەن ماحابباتىن كورسەتەتىن تانىم. ادامدى ءتۇسى، ءتۇرى، ءناسىلى، تەگى مەن دىنىنە قاراپ ەمەس، ونىڭ جاراتۋشىسىنا، ونىڭ حيكمەتىنىڭ قۇرمەتىنە، ماحابباتپەن قاراۋعا شاقىرادى. ادام بىلاي تۇرسىن، بۇكىل جاراتىلعاندار، ياعني مىنا ون سەگىز مىڭ الەم اللانىڭ بار، ءبىر، حاكيم، راحمان، راحيم، حاليم، عافۋر ەكەندىگىن كورسەتەتىن اينالار. سول اينالاردىڭ ىشىندەگى ەڭ باستى حيكمەتپەن كەۋدەسى سۋارىلعان بولمىس، اللانىڭ مىنا دۇنيەدەگى حاليفاسى ول ادام. اللاعا عاشىق جان الدىمەن مىنا جاراتىلعانداردى الالاماي تۇتاس سۇيە الماسا، اللاسىن قالاي ءبىر دەپ سۇيە الادى؟ سوندىقتان الدىمەن ادامدى ءسۇي، اللانىڭ حيكمەتىن سوندا سەزەسىڭ دەيدى. ول ءۇشىن دە حيكمەتتى وزىڭنەن ىزدەپ تابۋ كەرەك. ۋاجيد ۋاجد بولىپ، ءبىر ۆۋجۋد بولساڭ عانا مىنا الەمدە حاليفا بولاسىڭ دەيدى. ال حيكمەتتى ءوز كەۋدەڭنەن تابۋ ول قۋلۋب ياعني كوڭىل، جۇرەك، قالب دەگەن اللانىڭ ادامداعى “ۇياسىن” تازالاپ باپتاۋ شارت!
يماني گۇل اباي اتامىز ايتپاقشى، ول ء“ۇش ءسۇيۋ”، ياعني اللانى، ادامدى، الەمدى تۇتاستاندىراتىن ءبىر جۇرەكپەن، ءبىر بولمىستى تانۋ جولى. ياساۋي بۇل ءحال قۇبىلىستى “ۋاحدات ال ۆۋجۋد” دەيدى. ياعني بولمىستىڭ بىرلىگى.
دوساي كەنجەتاي
پىكىر قالدىرۋ