اقتوبەدە قىتايلىق «سنپس-اقتوبەلىك ترانسپورتتىق كومپانيا» مەن «شىعىس مۇناي جانە سەرۆيستىك قىزمەت» كومپانيالارىنىڭ بىرنەشە ەسەپتىك كەزدەسۋلەرى ءوتتى. ساپارباەۆتىڭ سىنىنان كەيىن ەكى ۇيىم دا قازاق-قىتاي ءتىلىن مەڭگەرگەن اۋدارماشىلار جالداعان دەپ حابارلايدى NUR.KZ پورتالى NewTimes.kz-كەسىلتەمە جاساپ.

ايتا كەتەرلىگى، اقتوبە وبلىسىنىڭ اكىمى بەردىبەك ساپارباەۆ ءۇش اۋدارماشى بويجەتكەننىڭ قازاق ەكەنىنە نازار اۋدارىپ، “قازاق قىزدارى قىتاي ءتىلىن مەڭگەرگەن بولسا، قىتايلىقتار دا قازاق ءتىلىن ءبىلۋى ءتيىس”، – دەپ ازىلدەپ ۇلگەردى.

«بۇنى ءوزارا سىيلاستىق دەپ اتاۋعا بولادى»، — دەدى وبلىس اكىمى.

فوتو: NEWTIMES.KZ

اۋدارماشىلاردىڭ ءبىرى قىتاي تۋماسى ەكەن. ول تەك قازاق جانە قىتاي تىلدەرىن بىلەتىندىكتەن، قاسىنداعى ارىپتەسى ورىس تىلىنەن اۋدارۋعا قولعابىس بولعان.

ەسكە سالساق، بۇعان دەيىن اقتوبە وبلىسىنىڭ اكىمى بەردىبەك ساپارباەۆ «ۇلى قورعان» قازاق-قىتاي كومپانياسىنىڭ وكىلدەرىن قازاق ءتىلىن قۇرمەتتەۋگە شاقىرعان بولاتىن. شەنەۋنىك ۇجىمعا مەملەكەتتىك تىلدە ءسوز سويلەگەندە قىتاي ەلىنىڭ وكىلدەرىنە ونى اۋدارىپ بەرەتىن ەشكىم تابىلماعان.

ءوڭىر باسشىسى بەردىبەك ساپارباەۆ كومپانيا ۇجىمى الدىندا ەلدىڭ ەكونوميكالىق احۋالى تۋرالى اڭگىمەلەگەن كىرىسپە ءسوزىنىڭ سوڭىندا:

— باسشىلارىڭىز ءتۇسىنىپ وتىر ما؟ اۋدارماشى بار ما؟ — دەپ سۇرادى ۇجىمنان. سول كەزدە كومپانيانىڭ ۇلتى قىتاي اۋدارماشىسى:

— ءبىز قازاقشادان اۋدارا المايمىز. ەگەر ءسىز ورىسشا سويلەسەڭىز مەن بىردەن اۋدارار ەدىم، — دەدى.

— قازاق ءتىلىن بىلمەۋىڭىز دۇرىس ەمەس. قازاقستان رەسپۋبليكاسىندا مەملەكەتتىك ءتىل قاي ءتىل؟ — دەپ قايتا سۇراق قويدى وبلىس اكىمى.

— قازاق جانە ورىس تىلدەرى. — جوق، ولاي ەمەس. مەملەكەتتىك ءتىل — قازاق ءتىلى. ورىس ءتىلى – ۇلتارالىق قاتىناس ءتىلى. سوندىقتان قازاق ءتىلىن ۇيرەنۋگە دە تىرىسۋ كەرەك، — دەدى بەردىبەك ساپارباەۆ قىتايلىق كومپانيانىڭ قازاقشا بىلمەيتىن اۋدارماشىسىنا.

دەرەككوز: Nur.kz