Aqtöbede qıtaylıq «SNPS-Aqtöbelik transporttıq kompaniya» men «Şığıs mwnay jäne servistik qızmet» kompaniyalarınıñ birneşe eseptik kezdesuleri ötti. Saparbaevtıñ sınınan keyin eki wyım da qazaq-qıtay tilin meñgergen audarmaşılar jaldağan dep habarlaydı NUR.KZ portalı NewTimes.kz-kesilteme jasap.

Ayta keterligi, Aqtöbe oblısınıñ äkimi Berdibek Saparbaev üş audarmaşı boyjetkenniñ qazaq ekenine nazar audarıp, “qazaq qızdarı qıtay tilin meñgergen bolsa, qıtaylıqtar da qazaq tilin bilui tiis”, – dep äzildep ülgerdi.

«Bwnı özara sıylastıq dep atauğa boladı», — dedi oblıs äkimi.

FOTO: NEWTIMES.KZ

Audarmaşılardıñ biri Qıtay tuması eken. Ol tek qazaq jäne qıtay tilderin biletindikten, qasındağı äriptesi orıs tilinen audaruğa qolğabıs bolğan.

Eske salsaq, bwğan deyin Aqtöbe oblısınıñ äkimi Berdibek Saparbaev «Wlı qorğan» qazaq-qıtay kompaniyasınıñ ökilderin qazaq tilin qwrmetteuge şaqırğan bolatın. Şeneunik wjımğa memlekettik tilde söz söylegende Qıtay eliniñ ökilderine onı audarıp beretin eşkim tabılmağan.

Öñir basşısı Berdibek Saparbaev kompaniya wjımı aldında eldiñ ekonomikalıq ahualı turalı äñgimelegen kirispe söziniñ soñında:

— Basşılarıñız tüsinip otır ma? Audarmaşı bar ma? — dep swradı wjımnan. Sol kezde kompaniyanıñ wltı qıtay audarmaşısı:

— Biz qazaqşadan audara almaymız. Eger siz orısşa söyleseñiz men birden audarar edim, — dedi.

— Qazaq tilin bilmeuiñiz dwrıs emes. Qazaqstan Respublikasında memlekettik til qay til? — dep qayta swraq qoydı oblıs äkimi.

— Qazaq jäne orıs tilderi. — Joq, olay emes. Memlekettik til — qazaq tili. Orıs tili – wltaralıq qatınas tili. Sondıqtan qazaq tilin üyrenuge de tırısu kerek, — dedi Berdibek Saparbaev qıtaylıq kompaniyanıñ qazaqşa bilmeytin audarmaşısına.

Derekköz: Nur.kz