تولەشوۆكە تاعىلعان ايىپتاردىڭ اراسىندا جاڭاسى پايدا بولۋى مۇمكىن – ۇلتتىق الاۋىزدىقتى قوزدىرۋ.

قازىرگى تاڭدا توقتار تولەشوۆتىڭ ءىسىن بۇقارالىق اقپارات قۇرالدارى ءجىتى نازاردا ۇستاپ وتىر. ال رەسەيلىك باق ءىرى كاسىپكەردىڭ سۇتتەن اق، سۋدان تازا ەكەنىن جارىسا جازىپ جاتىر.

البەتتە، نۇسقالاردىڭ ءبىرى رەتىندە، بۇل ارەكەتتەر – بيزنەستى تارتىپ الۋعا باعىتتالعان شابۋىل دەگەندەر دە جوق ەمەس.

بەلگىلى قازاقستاندىق قۇقىق قورعاۋشى ابزال قۇسپانتولەشوۆتىڭ تۇتقىندالۋىنا بايلانىستى «ءالىبيدىڭ ءىسىن» ەسكە الادى. ونىڭ ايتۋىنشا، جاماليەۆتىڭ جاساعان قىلمىسىنىڭ ونىڭ بيزنەسىنە ەشقانداي قاتىسى بولعان جوق — ول مەملەكەتتىك مۇلىكتى جىمقىرىپ، بيۋدجەت قارجىسىنا قول سالعان جوق. سوعان قاراماستان ونىڭ بيزنەس-يمپەرياسىنىڭ بىت-شىتى شىقتى.

بۇدان بولەك، ابزال قۇسپان ماسەلە تولەشوۆتىڭ ساياسي بەلسەندىلىگىنىڭ ەرەكشەلىگىندە دەپ ەسەپتەيدى:

– اتالعان ازامات بۇعان دەيىن رەسەيدىڭ سويىلىن سوعىپ ءارى رەسەيشىل سايتتاردى قارجىلاندىرىپ كەلگەن كورىنەدى. مەنىڭ ويىمشا،

تولەشوۆكە تاعىلاتىن ايىپتاردىڭ ىشىندە 174 باپتىڭ، ياعني «الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني الاۋىزدىق تۋدىرۋدىڭ» پايدا بولۋ مۇمكىن.

— وسى تۇرعىدان كەلگەندە، ءوز باسىم ءبىزدىڭ بيلىكتىڭ باتىل قادامدارىن قولدايمىن. ويتكەنى تولەشوۆ كوپتەگەن رەسەيلىك كۇماندى ۇيىمدارمەن بايلانىس جاساعان كورىنەدى. ەگەر وسى راس بولسا، قۇقىق قورعاۋ ورگاندارى دۇرىس باعىتتا جۇمىس جاساپ جاتىر دەپ ەسەپتەيمىن، – دەيدى ابزال قۇسپان.

سەرىك جولداسباي

365info.kz