Töleşovke tağılğan ayıptardıñ arasında jañası payda boluı mümkin – wlttıq alauızdıqtı qozdıru.

Qazirgi tañda Toqtar Töleşovtıñ isin bwqaralıq aqparat qwraldarı jiti nazarda wstap otır. Al reseylik BAQ iri käsipkerdiñ sütten aq, sudan taza ekenin jarısa jazıp jatır.

Älbette, nwsqalardıñ biri retinde, bwl äreketter – biznesti tartıp aluğa bağıttalğan şabuıl degender de joq emes.

Belgili qazaqstandıq qwqıq qorğauşı Abzal QwspanTöleşovtıñ twtqındaluına baylanıstı «Älibidiñ isin» eske aladı. Onıñ aytuınşa, Jamalievtıñ jasağan qılmısınıñ onıñ biznesine eşqanday qatısı bolğan joq — ol memlekettik mülikti jımqırıp, byudjet qarjısına qol salğan joq. Soğan qaramastan onıñ biznes-imperiyasınıñ bıt-şıtı şıqtı.

Bwdan bölek, Abzal Qwspan mäsele Töleşovtıñ sayasi belsendiliginiñ erekşeliginde dep esepteydi:

– atalğan azamat bwğan deyin Reseydiñ soyılın soğıp äri reseyşil sayttardı qarjılandırıp kelgen körinedi. Meniñ oyımşa,

Töleşovke tağılatın ayıptardıñ işinde 174 baptıñ, yağni «Äleumettik, wlttıq, rulıq, näsildik, taptıq nemese dini alauızdıq tudırudıñ» payda bolu mümkin.

— Osı twrğıdan kelgende, öz basım bizdiñ biliktiñ batıl qadamdarın qoldaymın. Öytkeni Töleşov köptegen reseylik kümändi wyımdarmen baylanıs jasağan körinedi. Eger osı ras bolsa, qwqıq qorğau organdarı dwrıs bağıtta jwmıs jasap jatır dep esepteymin, – deydi Abzal Qwspan.

Serik Joldasbay

365info.kz