شاكەن ايمانوۆتىڭ «ماحاببات داستانى»، «ءبىزدىڭ سۇيىكتى دارىگەر»، «الداركوسە»، «اتامەكەن»، «تاقيالى پەرىشتە» سىندى فيلمدەرى قازاق كينو ونەرىندەگى ومىرشەڭ تۋىندىلار.

ول «اباي اندەرى» (1945), «جامبىل» (1947) كوركەم فيلمدەرىندە كۇردەلى ەكراندىق بەينەلەردى سومداعان. 1953 جىلدان 1970 جىل ارالىعىندا «قازاقفيلم» ستۋدياسىنىڭ كوركەمدىك جاعىن باسقارىپ، قازاق كينو ونەرىنىڭ وركەندەۋىنە ۇلەس قوستى.

شاكەن كەنجەتايۇلىنىڭ تىرناقالدى رەجيسسەرلىك جۇمىسى «ماحاببات داستانى». رەجيسسەر 1957 جىلى ەڭ العاش «ءبىزدىڭ سۇيىكتى دارىگەر» اتتى ميۋزيكل تۇسىرگەن. ونىڭ وسى ميۋزيكلىندا ەرمەك سەركەباەۆ، بيبىگۇل تولەگەنوۆا، سەركە قوجامقۇلوۆ سىندى قازاق ونەرىنىڭ مايتالماندارى وينادى.

ال، 1969 جىلى «تاقيالى پەرىشتە» ءفيلمىن جارىققا شىعارعان. رەجيسسەردىڭ سوڭعى ءفيلمى «اتاماننىڭ اقىرى» (1970). بۇل تۋىندى رەجيسسەر شىعارماشىلىعىنىڭ بيىك شىڭىنا اينالدى. ال، 1984 جىلى «قازاقفيلم» كينوستۋدياسىنا شاكەن كەنجەتايۇلى ايمانوۆتىڭ ەسىمى بەرىلدى.

1952 جىلى كسرو مەملەكەتتىك سىيلىعىنىڭ جانە 1970 جىلى قازاق كسر-ءى مەملەكەتتىك سىيلىعىنىڭ لاۋرەاتى اتاندى.