2016 ج. 8-9 ناۋرىزدا ۆاشينگتوندا قازاقستاندىق-امەريكالىق ستراتەگيالىق سەرىكتەستىك جونىندەگى كوميسسياسىنىڭ (سسك) ساياسي، گۋمانيتارلىق جانە ەكونوميكالىق ماسەلەلەرى جونىندەگى كوميتەتتەرىنىڭ وتىرىستارى ءوتتى.قازاقستاندىق تاراپىنان كوميتەتتەردى قر سىرتقى ىستەر ءمينيسترىنىڭ ورىنباسارى ەرجان اشىقباەۆ، قر ادىلەت ءمينيسترىنىڭ ورىنباسارى ەلۆيرا ءازىموۆا، قر ينۆەستيتسيا جانە دامۋ ۆيتسە-ءمينيسترى راقىم وشاقباەۆ باسقاردى. امەريكالىق تاراپتى اقش مەملەكەتتىك حاتشىسىنىڭ وڭتۇستىك جانە ورتالىق ازيا ىستەرى بويىنشا كومەكشىسى نيشا بيسۆال، اقش مەملەكەتتىك حاتشىسىنىڭ دەموكراتيا، ادام قۇقىقتارى جانە ەڭبەك ماسەلەلەرى بويىنشا كومەكشىسى توم مالينوۆسكي جانە اقش ساۋدا ءمينيسترىنىڭ كومەكشىسى ارۋن كۋمار باسقاردى.
وتىرىستى اشا وتىرىپ، اقش مەملەكەتتىك حاتشىسىنىڭ كومەكشىسى ن. بيسۆال «ەكىجاقتى قاتىناستار ماسەلەلەرى بويىنشا جۇرگىزىلىپ جاتقان ماڭىزدى شارالار اياسىندا عانا ەمەس، وڭىرلىك جانە جاھاندىق قاۋىپسىزدىكتى قامتاماسىز ەتۋ ىسىندەگى بىرلەسكەن جۇمىسى بارىسىندا اقش قازاقستانمەن ىنتىماقتاستىقتى جوعارى باعالايدى»، – دەپ اتاپ ءوتتى. ول 2015 جىل ستراتەگيالىق سەرىكتەستىكتىڭ ساپا جاعىنان جاڭا دەڭگەيگە ءوتۋ ىسىندە ءساتتى وتكەنىن اتاپ ءوتىپ، قر جانە اقش پرەزيدەنتتەرىنىڭ 2015 جىلى قىركۇيەكتە بۇۇ باس اسسامبلەياسى بارىسىندا ەكى جاقتى كەزدەسۋىن، قر پرەمەر-ءمينيسترى كارىم ءماسىموۆتىڭ 2015 جىلى ساۋىردە اقش-قا ساپارىن جانە 2015 جىلعى قاراشاداعى مەملەكەتتىك حاتشى دجون كەرريدىڭ قازاقستانعا رەسمي ساپارىن، ورتالىق ازيا جانە اقش اراسىنداعى «س5+1» جاڭا فورماتتى ىقپالداستىعىنىڭ ىسكە قوسىلۋىن اتاپ ءوتتى. امەريكاندىق ديپلوماتىنىڭ ءسوزى بويىنشا، ستراتەگيالىق سەرىكتەستىك جونىندەگى كوميسسياسىنىڭ «ەلدەرىمىز اراسىنداعى ينستيتۋتسيونالدىق ىقپالداسىتىعىنىڭ انىقتاۋشى اسپەكتىسىنە» اينالعانىن اقش ماقتان تۇتادى.
وسىنداي پىكىردى اق ءۇيدىڭ ورتالىق ازيا بويىنشا ۇلتتىق قاۋىپسىزدىك كەڭەسىنىڭ ديرەكتورى كاتريسا باني ءبىلدىرىپ، «جاقىن دوس» بولىپ تابىلاتىن قازاقستانعا «اقش-تىڭ شابىتتاندىراتىن سەرىكتەسى» دەگەن سيپات بەردى. اقش پرەزيدەنتى اكىمشىلىگىنىڭ وكىلى يادرولىق تاراتپاۋ جانە زورلىق ەكسترەميزمگە قارسى تۇرۋ سەكىلدى حالىقارالىق كۇنتارتىبىنىڭ ماڭىزدى ماسەلەلەرى بويىنشا ستراتەگيالىق سەرىكتەستىكتى تەرەڭدەتۋگە ۆاشينگتوننىڭ دايىندىعىن ءبىلدىردى.
ساياسي ماسەلەلەر جونىندەگى سسك كوميتەتىنىڭ شەڭبەرىندە ساياسي بايلانىستاردى بەلسەندىرۋ، اۋعانستاندى قالپىنا كەلتىرۋ مەن وڭىرلىك قاۋىپسىزدىك بويىنشا ىنتىماقتاستىقتى نىعايتۋ، سونىمەن قاتار قورعانىس ۆەدومستۆولارى تارماعى جاعىنان ىقپالداستىقتى بەلسەندىرۋ ماسەلەلەرى تالقىلاندى. ەرەكشە نازار يادرولىق تاراتپاۋ جانە قر پرەزيدەنتى نۇرسۇلتان نازارباەۆتىڭ 2016 جىلى 31 ناۋرىز – 1 ساۋىردە ۆاشينگتوندا وتەتىن يادرولىق قاۋىپسىزدىك ءسامميتىنىڭ جۇمىسىنا دايىندىق ماسەلەلەرىنە ءبولىندى.
گۋمانيتارلىق ولشەم جونىندەگى كوميتەتىنىڭ وتىرىسىندا ءبىلىم بەرۋ جانە مادەنيەت، باق دامۋى جانە قازاقستاندىق ۇكىمەتتىك ەمەس سەكتورىن قولداۋ سالالارىنداعى ىنتىماقتاستىقتى تەرەڭدەتۋ جولدارى قاراستىرىلدى. تاراپتار امەريكالىق ءبىلىم الماسۋ باعدارلامالارى جانە اعىلشىن ءتىلى مۇعالىمدەرىن ماقساتتى وقىتۋ ارقىلى قازاقستاندا ۇشتىلدىك قاعيدانى جۇزەگە اسىرۋ بويىنشا ىنتىماقتاستىقتى تەرەڭدەتۋگە كەلىستى. 2016 جىلى قر مەن اقش اراسىنداعى ديپلوماتيالىق قاتىناستاردىڭ 25-جىلدىعىنا وراي بىرىككەن ءىس-شارالار تۋرالى كونسترۋكتيۆتى پىكىر الماسىلدى. مەملەكەتتىك قىزمەتتىڭ ءمولدىر جانە ءتيىمدى مودەلىنىڭ، ءادىل سوت جۇيەسىنىڭ، سوت ۇستەمدىلىگىنىڭ قامتاماسىز ەتىلۋىن قالىپتاستىرۋعا باعىتتالعان «100 ناقتى قادام» ۇلت جوسپارى شەڭبەرىندە رەفورمالاردى جۇزەگە اسىرۋ ماسەلەلەرى ەگجەي-تەگجەيلى تالقىلاندى. ەكى تاراپ اتالعان سالادا سىندارلى ىقپالداستىقتى نىعايتۋعا دايىندىعىن ءبىلدىردى.
«100 ناقتى قادام» ۇلت جوسپارىن جۇزەگە اسىرۋ جونىندەگى قازاقستان-امەريكالىق ىنتىماقتاستىقتىڭ تەرەڭدەتۋ مۇمكىندىكتەرى ەكونوميكا بويىنشا سسك كوميتەتىنىڭ وتىرىسى بارىسىندا دا تالقىلاندى. جاقىن ارادا ورتالىق ازيا ەلدەرى جانە اقش اراسىنداعى ساۋدا مەن ينۆەستيتسيا سالالارىندا قاتىناستار دامىتۋ جونىندەگى شەكتەلمەلى كەلىسىم شەڭبەرىندە وتىرىستى وتكىزۋگە دايىندىق بارىسى قاراستىرىلدى. تاراپتار ساۋدا-ينۆەستيتسيالىق سالالارداعى قاۋىمداسۋدى نىعايتۋدىڭ ناقتى جولدارىن، سونىڭ ىشىندە كىشى جانە ورتا بيزنەس ىقپالداستىعىنىڭ تاراپى جاعىنان زەرتتەۋگە كەلىستى.
قازاقستاندىق دەلەگاتسيانىڭ ۆاشينگتونعا ساپارى شەڭبەرىندە ەكىجاقتى كەزدەسۋ بارىسىندا اقش مەملەكەتتىك دەپارتامەنتىندە، ادىلەت مينيسترلىگىندە، قارجى مينيسترلىگىندە، حەلسينكي كوميسسياسى بارىسىندا، سونىمەن قاتار اقش ىسكەر جانە ساراپشى توپتارى مەن حالىقارالىق ۇكىمەتتىك ەمەس ۇيىمداردىڭ قاتىسۋىمەن وتكەن كەڭەيتىلگەن «دوڭگەلەك ۇستەلدەر» بارىسىندا تاقىرىپتىق جانە ءوزارا مۇددەلى سۇحبات ورىن الدى.
پىكىر قالدىرۋ