2016 ж. 8-9 наурызда Вашингтонда Қазақстандық-америкалық стратегиялық серіктестік жөніндегі комиссиясының (ССК) саяси, гуманитарлық және экономикалық мәселелері жөніндегі комитеттерінің отырыстары өтті.Қазақстандық тарапынан комитеттерді ҚР Сыртқы істер министрінің орынбасары Ержан Ашықбаев, ҚР Әділет министрінің орынбасары Эльвира Әзімова, ҚР Инвестиция және даму вице-министрі Рақым Ошақбаев басқарды. Америкалық тарапты АҚШ Мемлекеттік хатшысының Оңтүстік және Орталық Азия істері бойынша көмекшісі Ниша Бисвал, АҚШ Мемлекеттік хатшысының демократия, адам құқықтары және еңбек мәселелері бойынша көмекшісі Том Малиновский және АҚШ Сауда министрінің көмекшісі Арун Кумар басқарды.
Отырысты аша отырып, АҚШ Мемлекеттік хатшысының көмекшісі Н. Бисвал «екіжақты қатынастар мәселелері бойынша жүргізіліп жатқан маңызды шаралар аясында ғана емес, өңірлік және жаһандық қауіпсіздікті қамтамасыз ету ісіндегі бірлескен жұмысы барысында АҚШ Қазақстанмен ынтымақтастықты жоғары бағалайды», – деп атап өтті. Ол 2015 жыл стратегиялық серіктестіктің сапа жағынан жаңа деңгейге өту ісінде сәтті өткенін атап өтіп, ҚР және АҚШ Президенттерінің 2015 жылы қыркүйекте БҰҰ Бас Ассамблеясы барысында екі жақты кездесуін, ҚР Премьер-Министрі Кәрім Мәсімовтің 2015 жылы сәуірде АҚШ-қа сапарын және 2015 жылғы қарашадағы Мемлекеттік хатшы Джон Керридің Қазақстанға ресми сапарын, Орталық Азия және АҚШ арасындағы «С5+1» жаңа форматты ықпалдастығының іске қосылуын атап өтті. Американдық дипломатының сөзі бойынша, Стратегиялық серіктестік жөніндегі комиссиясының «елдеріміз арасындағы институционалдық ықпалдасытығының анықтаушы аспектісіне» айналғанын АҚШ мақтан тұтады.
Осындай пікірді Ақ үйдің Орталық Азия бойынша Ұлттық қауіпсіздік кеңесінің директоры Катриса Бани білдіріп, «жақын дос» болып табылатын Қазақстанға «АҚШ-тың шабыттандыратын серіктесі» деген сипат берді. АҚШ Президенті Әкімшілігінің өкілі ядролық таратпау және зорлық экстремизмге қарсы тұру секілді халықаралық күнтәртібінің маңызды мәселелері бойынша стратегиялық серіктестікті тереңдетуге Вашингтонның дайындығын білдірді.
Саяси мәселелер жөніндегі ССК комитетінің шеңберінде саяси байланыстарды белсендіру, Ауғанстанды қалпына келтіру мен өңірлік қауіпсіздік бойынша ынтымақтастықты нығайту, сонымен қатар қорғаныс ведомстволары тармағы жағынан ықпалдастықты белсендіру мәселелері талқыланды. Ерекше назар ядролық таратпау және ҚР Президенті Нұрсұлтан Назарбаевтың 2016 жылы 31 наурыз – 1 сәуірде Вашингтонда өтетін Ядролық қауіпсіздік саммитінің жұмысына дайындық мәселелеріне бөлінді.
Гуманитарлық өлшем жөніндегі комитетінің отырысында білім беру және мәдениет, БАҚ дамуы және қазақстандық үкіметтік емес секторын қолдау салаларындағы ынтымақтастықты тереңдету жолдары қарастырылды. Тараптар америкалық білім алмасу бағдарламалары және ағылшын тілі мұғалімдерін мақсатты оқыту арқылы Қазақстанда үштілдік қағиданы жүзеге асыру бойынша ынтымақтастықты тереңдетуге келісті. 2016 жылы ҚР мен АҚШ арасындағы дипломатиялық қатынастардың 25-жылдығына орай біріккен іс-шаралар туралы конструктивті пікір алмасылды. Мемлекеттік қызметтің мөлдір және тиімді моделінің, әділ сот жүйесінің, сот үстемділігінің қамтамасыз етілуін қалыптастыруға бағытталған «100 нақты қадам» Ұлт жоспары шеңберінде реформаларды жүзеге асыру мәселелері егжей-тегжейлі талқыланды. Екі тарап аталған салада сындарлы ықпалдастықты нығайтуға дайындығын білдірді.
«100 нақты қадам» Ұлт жоспарын жүзеге асыру жөніндегі қазақстан-америкалық ынтымақтастықтың тереңдету мүмкіндіктері экономика бойынша ССК комитетінің отырысы барысында да талқыланды. Жақын арада Орталық Азия елдері және АҚШ арасындағы сауда мен инвестиция салаларында қатынастар дамыту жөніндегі шектелмелі келісім шеңберінде отырысты өткізуге дайындық барысы қарастырылды. Тараптар сауда-инвестициялық салалардағы қауымдасуды нығайтудың нақты жолдарын, соның ішінде кіші және орта бизнес ықпалдастығының тарапы жағынан зерттеуге келісті.
Қазақстандық делегацияның Вашингтонға сапары шеңберінде екіжақты кездесу барысында АҚШ Мемлекеттік департаментінде, Әділет министрлігінде, Қаржы министрлігінде, Хельсинки комиссиясы барысында, сонымен қатар АҚШ іскер және сарапшы топтары мен халықаралық үкіметтік емес ұйымдардың қатысуымен өткен кеңейтілген «дөңгелек үстелдер» барысында тақырыптық және өзара мүдделі сұхбат орын алды.
Пікір қалдыру