استراحان، قىرىم، قازان قالاسىندا،
بولىپتى ءتورت بولەك حان تالاسىندا.
بيلەگەن بەرگى شەتتى ابىلقايىر،
1450 جىلدىڭ شاماسىندا.

وسى كەزدە ءبىزدىڭ “قازاق” اتانعاندىق،
تۇرىكتە ءبىر ادەت بار ەسكى زاڭدىق.
تامىزىپ قانىن سۇتكە قوسىپ ءىشىپ،
اندا دەپ جاسايدى ەكەن تۋىسقاندىق.

تۋىسقا ىدا بولعان قارامايدى،
جاقىن دەپ قان قوسىلماي سىنامايدى.
ىشسە دە قاي رۋمەنەن قانىن قوسىپ،
ءبىر تۋعان جاقىنىم دەپ باعالايدى.

قۇرالعان ءار رۋدان قازاق باسى،
اندا دەپ قان قوسىلعان قارىنداسى.
“ەل بولىپ، ءوز ەركىمەن ەركىن جۇرگەن”
دەگەن ءسوز قازاقتىڭ ماعىناسى..

شاكارىم
“قازاقتىڭ ءتۇپ اتاسى”