Astrahan, Qırım, Qazan qalasında,
Bolıptı tört bölek han talasında.
Bilegen bergi şetti Äbilqayır,
1450 jıldıñ şamasında.

Osı kezde bizdiñ “qazaq” atanğandıq,
Türikte bir ädet bar eski zañdıq.
Tamızıp qanın sütke qosıp işip,
Anda dep jasaydı eken tuısqandıq.

Tuısqa ıda bolğan qaramaydı,
Jaqın dep qan qosılmay sınamaydı.
İşse de qay rumenen qanın qosıp,
Bir tuğan jaqınım dep bağalaydı.

Qwralğan är rudan qazaq bası,
Anda dep qan qosılğan qarındası.
“El bolıp, öz erkimen erkin jürgen”
Degen söz qazaqtıñ mağınası..

ŞÄKÄRİM
“Qazaqtıñ tüp atası”