2016 جىلعى 8 ساۋىردە ماسكەۋدە قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ تمد سىرتقى ىستەر مينيسترلەرى كەڭەسىنىڭ وتىرىسىنا قاتىستى.
قاتىسۋشى مەملەكەتتەردىڭ سىرتقى ساياسات ۆەدومستۆولارىنىڭ باسشىلارى دوستاستىقتىڭ شەڭبەرىندەگى ىقپالداستىقتىڭ قازىرگى جاعدايى مەن كەلەشەگى بويىنشا پىكىر الماستى، سونداي-اق تمد مەملەكەت باسشىلارى دەڭگەيىندە الداعى كۇزدە بىشكەكتە ءوتۋى ءتيىس كەزدەسۋگە مازمۇندىق تۇرعىدان دايىندىق بارىسىن تالقىلادى.
«وتىرىستىڭ ماڭىزدى تاقىرىبى دوستاستىق قۇرىلۋىنىڭ 25-جىلدىعى لايىقتى تۇردە قارسى الۋ بولدى. بەلگىلى بولاتىنداي، تمد 1991 جىلى 21 جەلتوقسانداعى تاۋەلسىز مەملەكەتتەردىڭ باسشىلارى الماتى دەكلاراتسياسىمەن قۇرىلدى»، – دەپ، ە. ىدىرىسوۆ باسا ايتتى.
كەزدەسۋگە قاتىسۋشىلار حالىقارالىق جانە وڭىرلىك كۇن ءتارتىبىنىڭ بىرقاتار وزەكتى ماسەلەلەرىن تالقىلادى. وسى تۇرعىدا وتىرىستىڭ شەڭبەرىندە تمد ءۇش تەڭ توراعالارى مەملەكەتتەردىڭ سىرتقى ىستەر مينيسترلەرى تاۋلى-قاراباق جانجال ايماعىنداعى جاعدايىنىڭ شيەلەنىسۋىنە وراي بىرىككەن مالىمدەمەنى قابىلدادى. بۇل مالىمدەمە اتالعان جانجالدى ەقىۇ مينسك توبى ايقىنداعان پرينتسيپتەرىنىڭ نەگىزىندە بەيبىت جولمەن شەشۋ بويىنشا كۇش-جىگەرلەردى جانداندىرۋعا شاقىرۋىن قامتيدى. تمد تەڭ توراعالارىنا ۇيىمنىڭ بۇرىنعى، قازىرگى جانە كەلەسى توراعالارى، ياعني قازاقستان، قىرعىزستان مەن رەسەي كىرەدى.
«ءبىزدىڭ كەزدەسۋىمىز ارنالعان باسقا ماڭىزدى سۇراق رەتىندە ەلباسىمىز نۇرسۇلتان نازارباەۆتىڭ تمد ارەكەتتەرى مەن ونىڭ قۇرىلىمدارى تيىمدىلىگىنىڭ ارتتىرىلۋى مەن جاڭعىرتىلۋى بويىنشا باستاماسى بولدى»، –دەپ، ە. ىدىرىسوۆ حابارلادى. ونىڭ ايتۋىنشا، «بەرىلگەن سۇراقتار بويىنشا كونسەنسۋس ايقىن كورىنەدى».
«تمد-نىڭ بىشكەكتەگى سامميتىنە ءبىزدىڭ ساياسي ماڭىزدىلىعى جوعارى ۇيىمىمىز جاڭا پىشىنگە يە بولىپ، ودان ەسە زاماناۋي، جاڭارتىلعان جانە جاڭا كۇننىڭ شارتتارىنا ساي بولۋى ءۇشىن ءتيىستى شەشىم قابىلدايمىز دەگەن ءۇمىت بار»، – دەپ، وسى بايلانىستا مينيستر قورىتىندىلادى.
سونىمەن قاتار، تمد سىرتقى ىستەر مينيسترلەرى كەڭەسى قىلمىستىق سوت ءىسى سالاسىنداعى بىرقاتار حالىقارالىق شارتتاردىڭ، دوستاستىقتىڭ دەنساۋلىق ساقتاۋ مەن مادەني ىنتىماقتاستىق سالاسىنداعى باعدارلامالىق جانە تۇجىرىمدامالىق قۇجاتتاردىڭ، اتاپ ايتقاندا «تمد-عا قاتىسۋشى مەملەكەتتەر حالىقتارىنىڭ دەنساۋلىعى» ستراتەگياسىنىڭ، ونكولوگيالىق اۋرۋلارمەن كۇرەس سالاسىنداعى تۇجىرىمدامانىڭ، تمد-عا قاتىسۋشى مەملەكەتتەردىڭ «ART EXPO» حالىقارالىق كورمە تۋرالى ەرەجەنىڭ جوبالارىن ماقۇلدادى. بۇعان قوسا، مينيسترلەر تمد-عا قاتىسۋشى مەملەكەتتەردىڭ بىرقاتار ۇيىمدارىنا قورعانىس، جاستارمەن جۇمىس ىستەۋ جانە جاستار كاسىپكەرلىگىن دامىتۋ سالاسىنداعى بازالىق ۇيىمدار مارتەبەسىن بەرۋ ماسەلەلەرىن قاراستىردى.
ە. ىدىرىسوۆ تمد سىمك شەڭبەرىندە رەسەيدىڭ سىرتقى ىستەر ءمينيسترى سەرگەي لاۆروۆپەن جۇمىس كەزدەسۋدى وتكىزىپ، ەكىجاقتى كۇن ءتارتىبىنىڭ وزەكتى ماسەلەلەرىن جانە رەسەيمەن وڭىرلىك پەن جاھاندىق دەڭگەيلەردەگى ىقپالداستىعىن تالقىلادى.
پىكىر قالدىرۋ