2016 jılğı 8 säuirde Mäskeude Qazaqstan Respublikasınıñ Sırtqı ister ministri Erlan Idırısov TMD Sırtqı ister ministrleri keñesiniñ otırısına qatıstı.

Qatısuşı memleketterdiñ sırtqı sayasat vedomstvolarınıñ basşıları Dostastıqtıñ şeñberindegi ıqpaldastıqtıñ qazirgi jağdayı men keleşegi boyınşa pikir almastı, sonday-aq TMD memleket basşıları deñgeyinde aldağı küzde Bişkekte ötui tiis kezdesuge mazmwndıq twrğıdan dayındıq barısın talqıladı.

«Otırıstıñ mañızdı taqırıbı Dostastıq qwrıluınıñ 25-jıldığı layıqtı türde qarsı alu boldı. Belgili bolatınday, TMD 1991 jılı 21 jeltoqsandağı täuelsiz memleketterdiñ basşıları Almatı deklaraciyasımen qwrıldı», – dep, E. Idırısov basa ayttı.

Kezdesuge qatısuşılar halıqaralıq jäne öñirlik kün tärtibiniñ birqatar özekti mäselelerin talqıladı. Osı twrğıda otırıstıñ şeñberinde TMD üş teñ törağaları memleketterdiñ sırtqı ister ministrleri taulı-qarabaq janjal aymağındağı jağdayınıñ şielenisuine oray birikken mälimdemeni qabıldadı. Bwl mälimdeme atalğan janjaldı EQIW Minsk tobı ayqındağan principteriniñ negizinde beybit jolmen şeşu boyınşa küş-jigerlerdi jandandıruğa şaqıruın qamtidı. TMD teñ törağalarına wyımnıñ bwrınğı, qazirgi jäne kelesi törağaları, yağni Qazaqstan, Qırğızstan men Resey kiredi.

«Bizdiñ kezdesuimiz arnalğan basqa mañızdı swraq retinde Elbasımız Nwrswltan Nazarbaevtıñ TMD äreketteri men onıñ qwrılımdarı tiimdiliginiñ arttırıluı men jañğırtıluı boyınşa bastaması boldı», –dep,  E. Idırısov habarladı. Onıñ aytuınşa, «berilgen swraqtar boyınşa konsensus ayqın körinedi».

«TMD-nıñ Bişkektegi sammitine bizdiñ sayasi mañızdılığı joğarı wyımımız jaña pişinge ie bolıp, odan ese zamanaui, jañartılğan jäne jaña künniñ şarttarına say boluı üşin tiisti şeşim qabıldaymız degen ümit bar», – dep, osı baylanısta Ministr qorıtındıladı.

Sonımen qatar, TMD Sırtqı ister ministrleri keñesi qılmıstıq sot isi salasındağı birqatar halıqaralıq şarttardıñ, Dostastıqtıñ densaulıq saqtau men mädeni ıntımaqtastıq salasındağı bağdarlamalıq jäne twjırımdamalıq qwjattardıñ, atap aytqanda «TMD-ğa qatısuşı memleketter halıqtarınıñ densaulığı» strategiyasınıñ, Onkologiyalıq aurularmen küres salasındağı twjırımdamanıñ, TMD-ğa qatısuşı memleketterdiñ «ART EXPO» halıqaralıq körme turalı erejeniñ jobaların maqwldadı. Bwğan qosa, ministrler TMD-ğa qatısuşı memleketterdiñ birqatar wyımdarına qorğanıs, jastarmen jwmıs isteu jäne jastar käsipkerligin damıtu salasındağı bazalıq wyımdar märtebesin beru mäselelerin qarastırdı.

E. Idırısov TMD SİMK şeñberinde Reseydiñ Sırtqı ister ministri Sergey Lavrovpen jwmıs kezdesudi ötkizip, ekijaqtı kün tärtibiniñ özekti mäselelerin jäne Reseymen öñirlik pen jahandıq deñgeylerdegi ıqpaldastığın talqıladı.