بۇگىندە دينارا باقتىباەۆانى قازاق كينو ونەرى سالاسىنىڭ تالانتتى اكتريساسى دەۋگە تولىق نەگىز بار. ول از ۋاقىت ىشىندە كورەرمەننىڭ جۇرەگىن جاۋلاپ، ءارتۇرلى جانرداعى رولدەردى سومداپ ۇلگەردى. ال كورەرمەن ءۇشىن سۇيىكتى اكتريساسىنىڭ ءومىرى ارقاشان قىزىق. كۇندەلىكتى ومىردە دينارا بارىنشا قاراپايىم ءارى شىنايى ەكەن. اكتريسا Stan.kz تىلشىسىنە بەرگەن سۇحباتىندا سۇلۋلىعىنىڭ سىرىمەن ءبولىسىپ، بولاشاق جارىنىڭ قانداي ادام بولعانىن قالايتىنىن ايتتى.
فوتو: instagram.com/dika_strai/?hl=ru
اكتريسانىڭ سوزىنە سەنسەك، كەي بويجەتكەن سەكىلدى ارنايى كۇتىم جاساپ، جاتتىعۋ زالىنا بارمايدى. ءتىپتى تاڭەرتەڭ ەرتە تۇرىپ بويانۋدان ۇيقىسىن قاندىرۋدى ارتىق كورەدى ەكەن.
“سىمباتتى بولۋ ءۇشىن دۇرىس تاماقتانىپ، سالاۋاتتى ءومىر سالتىن ۇستانۋدىڭ، ۇيقىنى قاندىرۋدىڭ ماڭىزى زور. مىسالى، ماعان ەرتە تۇرىپ بويانعاننان، ۇيقىمدى قاندىرعان ارتىق. جۇرت سەكىلدى ەرەكشە كۇتىم جاسامايمىن دەپ ايتا المايمىن”، – دەيدى اكتريسا.
دينارا وسى كۇنگە دەيىن “قىز بەن جىگىت”، “نارحوز”، “سۋپەر توي”، “زاۋرە” سىندى تۋىندىلارعا ءتۇسىپ ۇلگەردى. بارلىعىندا دەرلىك باستى ءرولدى سومدادى. از ۋاقىت ىشىندە تانىمالدىلىققا قول جەتكىزىپ ۇلگەرسە دە، بويجەتكەن قاراپايىمدىلىعىن ساقتاپ قالۋعا تىرىسادى.
“كوپ ادام “قىز بەن جىگىت” فيلمىنە رەجيسسەرلەر مەنى وزدەرى شاقىردى نەمەسە سىناماسىز قابىلدادى دەپ ويلايدى. شىندىعىندا، ولار بۇل رولگە لايىق اكتريسانى ءبىراز ۋاقىت ىزدەگەن. ەكى ايدان استام ۋاقىت بويى كاستينگ وتكىزگەن. باسقالار سەكىلدى بۇل كاستينگكە مەن دە قاتىستىم، ءسويتىپ باستى رولگە تاعايىندالدىم. مەن ونەرگە جۇلدىز اۋرۋىنىڭ نە ەكەنىن ءبىلىپ كەلدىم. اتالعان اۋرۋعا شالدىققان تانىسىم بار بولاتىن. قانداي جاعداي بولماسىن ۇستامدىلىق تانىتامىن. تابيعاتىمنان سابىرلى اداممىن”، – دەپ شوۋ-بيزنەسكە قاتىسى جوق ەكەنىن جەتكىزدى.
جىبەرىپ الماڭىز:
قازاقتىڭ تەلەحيكايالارىندا بوي كورسەتكەن ەڭ سىمباتتى ءارى سۇلۋ 10 اكتريساسى
تاعدىر قوسپاسا دا، حالىق قوسقان جۇلدىزدى عاشىقتار
اكتريسانىڭ اتا-اناسى ءوزى ءۇش جاستا بولعان كەزدە اجىراسىپ كەتكەن. اناسى جالعىز قىزىن اسىراۋ ءۇشىن كوپ جۇمىس ىستەپ، دينارا ەرتە ەسەيگەن.
“انام اكەمنىڭ ورنىن باستى. وتباسىمىزدى اسىراۋ ءۇشىن كوپ جۇمىس ىستەگەندىكتەن، ونى سيرەك كورەتىنمىن. ءاي دەيتىن اجە، قوي دەيتىن قوجا بولمادى. بۇل، ارينە، بۇزىق بالا بولىپ ءوستىم دەگەن ءسوز ەمەس. بار بولعانى ومىردە بىرنارسەگە قول جەتكىزگىڭ كەلسە، تەك وزىڭە سەنىم ارتۋىڭ كەرەكتىگىن ءتۇسىندىم. وسىنداي ەركىن تاربيەم ءۇشىن ريزامىن. قاي سالانى تاڭداسام دا، اتا-انام قارسى بولمادى”، – دەيدى بويجەتكەن.
اناسى ەكىنشى رەت تۇرمىسقا شىعىپ، وتباسىن قۇرعان. 19 جاسىنا دەيىن جالعىز وسكەن بويجەتكەننىڭ وسى كۇندە ءسىڭلىسى بار.
“ومىرلىك سەرىگىڭدى كورگەن كەزدە جۇرەگىڭە شوق تۇسەرى ءسوزسىز. ءوزىڭ ەرەكشە كۇيگە بولەنەسىڭ. كوزدەرىڭ تۇيىسكەن كەزدە، سول ادام ءۇشىن جارالعانىڭدى تۇسىنەسىڭ. مۇنى، راسىمەن دە، سوزبەن ايتىپ جەتكىزۋ مۇمكىن ەمەس. بۇل ەندى ومىرلىك جارىما قاتىستى العاشقى “شارتىم” بولسىن. ەكىنشىدەن، ەر ادامداردىڭ جاقسى يىسىنە ەرەكشە قۇمارتامىن. بەلگىلى ءبىر پارفيۋم ءتۇرىن جاقسى كورەمىن دەپ ايتا المايمىن. ايتەۋىر، ول ءيىس ماعان ۇناۋى ءتيىس”، – دەگەن اكتريسا جەكە ءومىرىنىڭ جاڭالىقتارىن جاسىرىپ قالدى.
ءدال قازىر وتاندىق ارنالاردىڭ بىرىنەن دينارا باقتىباەۆا باستى ءرولدى سومدايتىن “كۇلشەقىز زاۋرە” اتتى تەلەحيكايا كورسەتىلىپ جاتىر. تەلەحيكايا جەلىسىنە سايكەس، تالانتتى سۋرەتشى قىز اناسىنىڭ ولىمىنەن كەيىن تۋعان اكەسىن ىزدەۋگە شىعادى. مۇنىمەن قاتار، اتالعان تەلەحيكايادا بويجەتكەننىڭ “بۇرىنعى عاشىعى” جاندوس ايباسوۆ وينايدى. قوس اكتەر “قىز بەن جىگىت” كومەديالىق فيلمىنە بىرگە تۇسكەن بولاتىن.
ەستەرىڭىزگە سالا كەتسەك، دينارا باقتىباەۆانىڭ پروديۋسەر ارمانجان بايتاسوۆ فيلمىنە تۇسكەنى تۋرالى حابارلاعان بولاتىنبىز.
پىكىر قالدىرۋ