Büginde Dinara Baqtıbaevanı qazaq kino öneri salasınıñ talanttı aktrisası deuge tolıq negiz bar. Ol az uaqıt işinde körermenniñ jüregin jaulap, ärtürli janrdağı rölderdi somdap ülgerdi. Al körermen üşin süyikti aktrisasınıñ ömiri ärqaşan qızıq. Kündelikti ömirde Dinara barınşa qarapayım äri şınayı eken. Aktrisa Stan.kz tilşisine bergen swhbatında swlulığınıñ sırımen bölisip, bolaşaq jarınıñ qanday adam bolğanın qalaytının ayttı.

Foto: instagram.com/dika_strai/?hl=ru

Aktrisanıñ sözine sensek, key boyjetken sekildi arnayı kütim jasap, jattığu zalına barmaydı. Tipti tañerteñ erte twrıp boyanudan wyqısın qandırudı artıq köredi eken.

“Sımbattı bolu üşin dwrıs tamaqtanıp, salauattı ömir saltın wstanudıñ, wyqını qandırudıñ mañızı zor. Mısalı, mağan erte twrıp boyanğannan, wyqımdı qandırğan artıq. Jwrt sekildi erekşe kütim jasamaymın dep ayta almaymın”, – deydi aktrisa.

Dinara osı künge deyin “Qız ben jigit”, “Narhoz”, “Super toy”, “Zäure” sındı tuındılarğa tüsip ülgerdi. Barlığında derlik bastı röldi somdadı. Az uaqıt işinde tanımaldılıqqa qol jetkizip ülgerse de, boyjetken qarapayımdılığın saqtap qaluğa tırısadı.

“Köp adam “Qız ben jigit” fil'mine rejisserler meni özderi şaqırdı nemese sınamasız qabıldadı dep oylaydı. Şındığında, olar bwl rölge layıq aktrisanı biraz uaqıt izdegen. Eki aydan astam uaqıt boyı kasting ötkizgen. Basqalar sekildi bwl kastingke men de qatıstım, söytip bastı rölge tağayındaldım. Men önerge jwldız auruınıñ ne ekenin bilip keldim. Atalğan auruğa şaldıqqan tanısım bar bolatın. Qanday jağday bolmasın wstamdılıq tanıtamın. Tabiğatımnan sabırlı adammın”, – dep şou-bizneske qatısı joq ekenin jetkizdi.

Jiberip almañız:

Qazaqtıñ telehikayalarında boy körsetken eñ sımbattı äri swlu 10 aktrisası

Tağdır qospasa da, halıq qosqan jwldızdı ğaşıqtar

Aktrisanıñ ata-anası özi üş jasta bolğan kezde ajırasıp ketken. Anası jalğız qızın asırau üşin köp jwmıs istep, Dinara erte eseygen.

“Anam äkemniñ ornın bastı. Otbasımızdı asırau üşin köp jwmıs istegendikten, onı sirek köretinmin. Äy deytin äje, qoy deytin qoja bolmadı. Bwl, ärine, bwzıq bala bolıp östim degen söz emes. Bar bolğanı ömirde birnärsege qol jetkizgiñ kelse, tek öziñe senim artuıñ kerektigin tüsindim. Osınday erkin tärbiem üşin rizamın. Qay salanı tañdasam da, ata-anam qarsı bolmadı”, – deydi boyjetken.

Anası ekinşi ret twrmısqa şığıp, otbasın qwrğan. 19 jasına deyin jalğız ösken boyjetkenniñ osı künde siñlisi bar.

“Ömirlik serigiñdi körgen kezde jüregiñe şoq tüseri sözsiz. Öziñ erekşe küyge bölenesiñ. Közderiñ tüyisken kezde, sol adam üşin jaralğanıñdı tüsinesiñ. Mwnı, rasımen de, sözben aytıp jetkizu mümkin emes. Bwl endi ömirlik jarıma qatıstı alğaşqı “şartım” bolsın. Ekinşiden, er adamdardıñ jaqsı iisine erekşe qwmartamın. Belgili bir parfyum türin jaqsı köremin dep ayta almaymın. Äyteuir, ol iis mağan wnauı tiis”, – degen aktrisa jeke ömiriniñ jañalıqtarın jasırıp qaldı.

Däl qazir otandıq arnalardıñ birinen Dinara Baqtıbaeva bastı röldi somdaytın “Külşeqız Zäure” attı telehikaya körsetilip jatır. Telehikaya jelisine säykes, talanttı suretşi qız anasınıñ öliminen keyin tuğan äkesin izdeuge şığadı. Mwnımen qatar, atalğan telehikayada boyjetkenniñ “bwrınğı ğaşığı” Jandos Aybasov oynaydı. Qos akter “Qız ben jigit” komediyalıq fil'mine birge tüsken bolatın.

Esteriñizge sala ketsek, Dinara Baqtıbaevanıñ prodyuser Armanjan Baytasov fil'mine tüskeni turalı habarlağan bolatınbız.