«ەل بولىپ تالقىلانىپ جاتىر عوي ايگىلى پروديۋسەر بايان حانىمنىڭ جاعدايى. جەكە ءوزىم ول كىسىمەن تانىستىعىم جوق، بىراق تالانتىن باعالايمىن. امان-ەسەن اۋرۋحانادان ساۋىعىپ شىعۋىن تىلەيمىن. ەندى جۇرت ونى كۇيەۋىمەن اجىراساتىن بولدى دەپ ءجۇر. ايەلىنە قول كوتەرگەن ەركەكتىڭ بارار ورنى بەلگىلى عوي. بايان حانىم جولداسىمەن اجىراسىپ كەتسە، مەن ول كىسىنى جار ەتىپ الۋعا دايىنمىن. ەكى قىزى دا بوي جەتىپ وتىر ەكەن» دەگەن تۇرعىن ءوزى تۋرالى دا قىسقاشا اقپارات بەرە كەتۋدى ۇمىتپاپتى.

«ءوزىم تۋرالى ايتار بولسام، 34 جاستامىن. بۇرىن ۇيلەنبەگەنمىن. بويىمدا كەمشىلىگىم جوق. الماتىلىقپىن، بۇگىندە استانادا تۇرامىن. جۇمىسىم تۇراقتى. تابىسىم دا جامان ەمەس» دەپ جازعان بويداق جىگىت بۇل جازباسىن وزگەلەردەن كۇلكىگە اينالدىرماۋدى وتىنگەن. الايدا بۇل جەلى قولدانۋشىلارىنىڭ كۇلكىسىن كەلتىرىپ، كەيبىرى ونىڭ ەسى اۋىسقان دەپ ايىپتاسا، كەلەسىسى ونىڭ ارەكەتىن ناعىز ەركەكتىك  دەپ باعالادى. تاعى ءبىر قولدانۋشى استانالىق جىگىت مۇنىسى ارقىلى بايان ەسەنتاەۆانىڭ زاڭدى كۇيەۋى باقىتبەكتەن “تاياق جەگىسى كەلىپ ءجۇر-اۋ” دەپ بولجامداعان.

ايتا كەتەيىك، وتكەن جۇمادا تالاي جاننىڭ جۇلدىز بولۋىنا سەپتىگىن تيگىزگەن بايان ەسەنتاەۆا كۇيەۋىمەن جانجالداسىپ، ونىڭ سوڭى ورنى تولماس وكىنىشكە ۇلاسقان. سپيرتتىك ىشىمدىك ىشكەن كۇيەۋى باقىتبەك ەسەنتاەۆ باياندىسوققىعا جىعىپ قانا قويماي، مۇرنىن سىندىرىپ، باس سۇيەگىن زاقىمداعان. ول از دەگەندەي ءىش تۇسىن پىشاقتاپ تاستاعان. بۇگىندە بۇل جايتقا قاتىستى قىلمىستىق ءىس قوزعالدى. باقىتبەك ەسەنتاەۆا ەكى اي ۋاقىتشا قاماۋعا الىندى. مامانداردىڭ ايتۋىنشا، ەسەنتاەۆ 3 جىلدان 7 جىلعا دەيىن باس بوستاندىعىنان ايرىلۋى مۇمكىن. ال پروديۋسەر اۋرۋحانادا جاتىر. وتاندىق باق تاراتقان اقپارعا سەنسەك، ەسەنتاەۆا بۇعان دەيىن دە كۇيەۋىمەن جانجالداسىپ، ءتىپتى اجىراسپاق بولعان ەكەن.

كوررەسپوندەنت.kz گازەتى