«El bolıp talqılanıp jatır ğoy äygili prodyuser Bayan hanımnıñ jağdayı. Jeke özim ol kisimen tanıstığım joq, biraq talantın bağalaymın. Aman-esen auruhanadan sauığıp şığuın tileymin. Endi jwrt onı küyeuimen ajırasatın boldı dep jür. Äyeline qol kötergen erkektiñ barar ornı belgili ğoy. Bayan hanım joldasımen ajırasıp ketse, men ol kisini jar etip aluğa dayınmın. Eki qızı da boy jetip otır eken» degen twrğın özi turalı da qısqaşa aqparat bere ketudi wmıtpaptı.

«Özim turalı aytar bolsam, 34 jastamın. Bwrın üylenbegenmin. Boyımda kemşiligim joq. Almatılıqpın, büginde Astanada twramın. Jwmısım twraqtı. Tabısım da jaman emes» dep jazğan boydaq jigit bwl jazbasın özgelerden külkige aynaldırmaudı ötingen. Alayda bwl jeli qoldanuşılarınıñ külkisin keltirip, keybiri onıñ esi auısqan dep ayıptasa, kelesisi onıñ äreketin nağız erkektik  dep bağaladı. Tağı bir qoldanuşı astanalıq jigit mwnısı arqılı Bayan Esentaevanıñ zañdı küyeui Baqıtbekten “tayaq jegisi kelip jür-au” dep boljamdağan.

Ayta keteyik, ötken jwmada talay jannıñ jwldız boluına septigin tigizgen Bayan Esentaeva küyeuimen janjaldasıp, onıñ soñı ornı tolmas ökinişke wlasqan. Spirttik işimdik işken küyeui Baqıtbek Esentaev Bayandısoqqığa jığıp qana qoymay, mwrnın sındırıp, bas süyegin zaqımdağan. Ol az degendey iş twsın pışaqtap tastağan. Büginde bwl jaytqa qatıstı qılmıstıq is qozğaldı. Baqıtbek Esentaeva eki ay uaqıtşa qamauğa alındı. Mamandardıñ aytuınşa, Esentaev 3 jıldan 7 jılğa deyin bas bostandığınan ayrıluı mümkin. Al prodyuser auruhanada jatır. Otandıq BAQ taratqan aqparğa sensek, Esentaeva bwğan deyin de küyeuimen janjaldasıp, tipti ajıraspaq bolğan eken.

Korrespondent.kz gazeti