ء“ورىستىلدى قالالىق قازاقتارعا قاراپ ايتامىن. انا تىلدەرىڭدە اكتسەنتپەن سويلەتىندەرىڭ ماڭىزدى ەمەس. جارتى امەريكا اعىلشىن تىلىندە اكتسەنتپەن سويلەيدى. بۇل سەندەردىڭ تىلدەرىڭ، اتا-بالالارىڭنىڭ ءتىلى. ءبىز انا ءتىلىمىزدى قورعاۋىمىز كەرەك”، – دەپ ءسوزىن باستادى تايجان.

قوعام بەلسەندىسى ورىستىلدىلەردى قازاقشا دۇرىس سويلەي المايمىن دەگەن كومپلەكستەن ارىلۋعا شاقىردى.

ء“ورىستىلدىمىن دەگەن كومپلەكستەن ارىلۋ كەرەك. شىنىمەن نيەتتەرىڭ بولسا، ۇيرەنەسىڭدەر، مەن سياقتى! انا ءتىلىمىز قانىمىزدا بار… يمان – جۇرەگىمىزدە! جۇرەكتەرىڭ قازاق بولسا، انا تىلىنە، دىلىنە ورالاسىڭدار، اماندىق بولسا!”، – دەپ كەڭەس بەردى تايجان.

مۇحتار تايجان قازاق ءتىلىنىڭ جاعدايىن جاقسارتۋ جولدارىن ۇسىندى.

ء“ورىستىلدى پاتريوت قازاقتار، ساۋاتى جانە ۋاقىتى بار قازاقتار قالاداعى قازاق ءتىلى ءۇشىن كۇرەس باستاۋى كەرەك. اۋىلدا تىلىمىزدەن ەشقانداي ماسەلە تۋىنداپ تۇرعان جوق. الايدا قالاداعى انا تىلىمىزگە ءبىزدىڭ كومەك قاجەت. ونىڭ جاعدايىن كوتەرۋ ءۇشىن ءبىز بار ەمەسپىز بە؟”، – دەيدى ول.

قوعام بەلسەندىسى زاڭ ءبىزدىڭ جاقتا ەكەنىن العا تارتتى.

“زاڭ دا ءبىزدىڭ جاقتا. تىلدەر تۋرالى، تۇتىنۋشىلار قۇقىعى تۋرالى زاڭ بار. ول زاڭدارعا سايكەس، ءبىز، قازاقستان ازاماتتارى قازاق تىلىندە قىزمەت كورسەتۋىن تالاپ ەتۋگە قۇقىلىمىز. قازاق تىلىندە سويلەپ، قازاقشا قىزمەت كورسەتۋدى تالاپ ەتىڭدەر”، – دەيدى تايجان.

تايجان قازاق تىلىندە سويلەگەنى ءۇشىن قىسىم كورگەن كەز-كەلگەن تۇرعىنعا كومەكتەسۋگە ءازىر ەكەنىن العا تارتتى.

“ەگەر قالادا سىزگە قالاۋىڭىز بويىنشا قازاق تىلىندە قىزمەت كورسەتپەسە، ماعان Facebook پاراقشاما جازۋلارىڭىزدى سۇرايمىن. مەن جەكە ءوزىم كەلىپ، سوتقا ولاردىڭ ۇستىنەن شاعىم تۇسىرەتىن بولامىن. سۇراۋىڭىز بويىنشا قازاقشا جاۋاپ بەرمەگەن كەز-كەلگەن كافەگە بىرنەشە ملن تەڭگە ايىپپۇل سالاتىن بولساق، وزدەرى-اق بىزگە مەملەكەتتىك تىلدە قىزمەت كورسەتەتىن بولادى”، – دەپ ءتۇيدى ول.