ءبىز ورىستاردى ەمەس ورىسقۇلدىق پسيحولوگيانى ۇناتپايمىز!
kerey.kz
وسى الگىندە عانا ازامات حايسين دەگەن الەۋمەتتىك جەلى پايدالانۋشىسى قازىرگى رەسەي بيلىگىنە ءتىل تيگىزدى دەپ ءبىزدىڭ ءازىمباي عالي، مۇحتار تايجان سياقتى جىگىتتەرىمىزدى، عالىمدار مەن جازۋشىلارىمىزدى جەردەن الىپ، جەرگە سالىپ سوگىپ جاتقان سوڭ قولعا قالام الۋعا تۋرا كەلدى.
قۇرمەتتى ازامات حايسين مىرزا، ءسىز رەسەيگە جاقتاسپاي-اق قويىڭىز. ورىس حالقىنا ادۆوكاتتىڭ قاجەتى جوق. ءبىز ورىستاردى ەمەس، وزىڭىزدەگى سياقتى ورىسقۇلدىق پسيحولوگيانى جەك كورەمىز. ءبىز قازاق حالقى ورىس حالقىن جەك كورمەيمىز. بىزگە ونىڭ قازىرگى بيلىگىنىڭ ارام ساياساتى، ۇلىورىسشىلدىق ءشوۆينيزمى، يمپەريالىق امبيتسيالارى، قىرىمدى اننەكسيالاۋى، گرۋزياعا، ۋكرايناعا تىزە باتىرۋى ۇنامايدى. كەيبىر ساياساتكەرلەرىنىڭ قازاق جەرىنە كوز الارتقانى ۇنامايدى. «قازاقستانعا اسكەر كىرگىزەمىز» دەگەنى ۇنامايدى. كەشە پيتەردە وتكىزگەن ناتسيستەرىنىڭ قۇرىلتايلارى ۇنامايدى. سكينحەدتەرىنىڭ قازاق ازاماتتارىن ءولتىرىپ كەتىپ جاتقانى ۇنامايدى.
ال ءبىز قازاقستانداعى ورىس دياسپوراسىن ەشقاشان كەمسىتكەن ەمەسپىز. ءتىپتى ءوزىڭىز دە سول دياسپورانىڭ تىلىندە سويلەپ ءجۇرسىز عوي. رەسەيمەن دوستىعىمىز دا ورىندى شىعار. بىراق زيالى قاۋىم وكىلدەرى وتە جاقىنداسۋدىڭ قاجەتى جوق دەپ ەسەپتەيدى. رەسەيمەن وداقتاس بولعاننان الەمدە بىردە ءبىر مەملەكەت كەرەمەت دامىپ، العا باسىپ كەتكەن جوق! بارىندە “بارداك”.
الدە ءسىز قازاقستاننىڭ دا سونداي شالاجانسار كۇيدە قالا بەرۋىن قالايسىز با؟ تەحنولوگيالىق ارتتا قالعان رەسەيدەن ەمەس الەمنىڭ وزىق ەلدەرىنەن ۇيرەنۋىمىز كەرەك. سوندىقتان دۇرىس پىكىر ايتاتىن ءازىمباي، مۇحتار سياقتى ازاماتتارىمىزدا شارۋاڭىز بولماسىن. «بۇيرەكتەن سيراق شىعارماي» قايتا دەن قويىڭىز. وڭدى پىكىرلەرگە قۇلاق ءتۇرىڭىز. قۇدايعا شۇكىر، قازاق زيالىلارى قازىر ورىسقۇلدىق سانادان ارىلىپ كەلەدى. ماسكەۋ سكينحەدتەرىنەن جاقسىلاپ ءبىر تاياق جەپ كەلسەڭىز ءسىزدىڭ دە پىكىرىڭىز قولما قول وزگەرەتىنىنە كۇمانىم جوق. ال وتە كۇيىپ بارا جاتساڭىز، رەسەي ازاماتتىعىنا نەگە اۋىسىپ كەتپەيسىز؟! .
پىكىر قالدىرۋ