الماتى قالاسىنىڭ ماڭىندا ورنالاسقان الماتى-بىشكەك اۆتوجولىن كەڭەيتۋ ماقساتىندا “بارلىق” بازارىندا ورنالاسقان ساۋدا ورىندارىن ءسۇرۋ جۇمىستارى باستالدى. 2017 جىلدىڭ ءساۋىر ايىنا دەيىن 25 ساۋدا نىسانى سۇرىلەدى، – دەپ حابارلايدى Tengrinews.kz تىلشىسى الماتى قالاسى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساحوۆ حابارلادى Tengrinews.kz.

يساحوۆتىڭ ايتۋىنشا، جولداردى قايتا قالپىنا كەلتىرۋ جۇمىستارى شامامەن 2017 جىلدىڭ ورتاسىندا اياقتالادى. “15 قىركۇيەكتە مينيسترمەن كەڭەس ءوتتى (قر ينۆەستيتسيالار جانە دامۋ ءمينيسترى جەڭىس قاسىمبەك), كەيىننەن قر ءبىرىنشى ۆيتسە-پرەمەرى اسقار مامين اۆتوموبيل جولدارى كوميتەتى، “كازاقاۆتوجول” ۇيىمى مەن الماتى وبلىسى اكىمدىگىندەگىلەردى شاقىرتىپ، مىناداي شەشىمگە كەلدى: اۆتوموبيل جولدارى كوميتەتى بەرىلگەن جولداردى قايتا قۇرۋ ءۇشىن جوبالىق-سمەتالىق قۇجاتتامانى دايىنداۋعا بايقاۋ جاريالاۋ. 3,5 شاقىرىمعا سوزىلاتىن جولدى قايتا قۇرۋ كەرەك – قالقامان ىقشاماۋدانىنان باستاپ “اسىل ارمان” تۇرعىن ءۇي كەشەنىنە دەيىن”، – دەدى ماقسۇت يساحوۆ.

“بارلىق” بازارى. © ايناش وندىرىس

سۇرىلەتىن ساۋدا ورىندارى. © ايناش وندىرىس

ونىڭ ايتۋىنشا، وسى ۋچاسكەلەردە 10 جولاقتان تۇراتىن جولدى سالۋ جوسپارلانىپ وتىر، ياعني ءار باعىتتا بەس جولاقتان. “ۇش جولاق ترانزيتتىك بولادى. ول سولتۇستىك اينالىمداعى جولعا ۇقسايتىن بولادى. بۇل قاسكەلەننەن باعىت العان كولىكتەردىڭ ەشبىر كەدەرگىسىز ءوتىپ كەتۋىنە مۇمكىندىك بەرەدى”. سونىمەن قاتار، ول قالقامان ىقشاماۋدانىندا جانە “اسىل ارمان” تۇرعىن ءۇي كەشەنىنىڭ ماڭىندا دا ەكى باعىتتا اينالىمنىڭ بولاتىنىن ايتىپ ءوتتى.

الدىن الا ەسەپ بويىنشا، الماتى-بىشكەك اۆتوجولىنداعى ۋچاسكەلەردى قايتا قۇرۋ جۇمىستارىنا شامامەن 10 ميلليارد تەڭگە قاجەت.

ال “كازاۆتوجول” اق وكىلدەرى الماتى-بىشكەك اۆتوجولىنىڭ 16-20 شاقىرىمىندا ۇنەمى بولاتىن كەپتەلىسكە قاتىستى ماسەلەنى شەشۋ ءۇشىن “التىن وردا” مەن “بارلىق” ساۋدا ورتالىقتارى ماڭىنداعى جولدارعا ارنايى جوبا دايىندالعانىن ايتتى.

“قازىرگى ۋاقىتتا بۇل جوبا قر ينۆەستيتسيالار جانە دامۋ مينيسترلىگىمەن كەلىسىلدى. كەلەسى جىلدىڭ بيۋدجەتىندە جوبالىق-سمەتالىق قۇجاتتامانى دايىنداۋ ءۇشىن 150 ميلليون تەڭگە قاراستىرىلعان. 2017 جىلدىڭ ماۋسىم ايىندا قۇرىلىس-مونتاجداۋ جۇمىستارى باستالادى”، – دەپ حابارلادى “قازاۆتوجول” ۇك” اق وكىلدەرى.

tengrinews.kz