جاسىرىن جالاقى، قۇپيا كىرىستەر
kerey.kz
ءبىزدىڭ ەلىمىزدە حالىققا ايتىلمايتىن قۇپيالار كوپ. ول كوبىنە قورعانىس، قاۋىپسىزدىك سالالارىنا قاتىسسىز، لاۋازىمدى تۇلعالاردىڭ جىلدىق، ايلىق تابىسى توڭىرەگىندە. بىرقاتار وبلىس اكىمدەرىنىڭ ءوز ەرىكتەرىمەن جاريالاعان دەكلاراتسياسى بولماسا جۇرت قازاقستان مينيسترلەرىنىڭ، ۇكىمەت باسشىسىنىڭ، پارلامەنت پالاتالارى توراعالارىنىڭ، ەلباسىنىڭ، جوعارعى سوت توراعاسىنىڭ جالاقىلارى تۋرالى مۇلدە بىلمەيدى دەسە بولادى. ءبارى قۇپيا!
قاراپايىم سالىق تولەۋشى ءسىز بەن ءبىزدىڭ قاراجاتىمىزدان قۇرالعان بيۋدجەتتەن كۇن كورەتىن لاۋازىم يەلەرىنىڭ جالاقىسى نەگە قۇپيا بولادى؟ بۇكىل الەمدە قۇپيا بولمايتىن نارسەلەر قازاقستاندا دا قۇپيا بولماۋعا ءتيىس. مەملەكەت باسشىسىنىڭ كەزەكتى جولداۋىندا بيلىكتى حالىققا جاقىنداتۋ ماقساتىندا لاۋازىم يەلەرىنىڭ جىل باسىندا وتكەن جىلعى ايلىق، جىلدىق تابىستارىن اشىق جاريالاۋدى مىندەت ەتىپ قويعانى دۇرىس دەپ ويلايمىن. ەكونوميكانى كوتەرگەن نەمەسە تىعىرىققا تىرەگەن لاۋازىم يەلەرىنىڭ تابىسىن قاراپايىم جۇرتشىلىق بىلۋگە ءتيىس.
بۇگىنگىدەي اقپاراتتار زامانىندا ءبىز باسقا ەلدەردەگى جوعارى لاۋازىم يەلەرىنىڭ ايلىق، جىلدىق تابىسى تۋرالى جاقسى بىلەمىز. قازاقستاندا دا سوعان قول جەتكىزىلۋى قاجەت. اشىقتىق حالىقتىڭ بيلىككە دەگەن سەنىمىن ارتتىرادى. قۇپيالىق بيشىگەشتەردىڭ جاۋاپكەرشىلىگىن تومەندەتەدى، بيلىك پەن حالىق اراسىنداعى جىكتى تەرەڭدەتەدى. اشىقتىق – سونىڭ ءبارىنىڭ ەمى.
ەندى اقپاراتتار كوزدەرىنەن جينالعان مىنا دەرەكتەرەگە كوز سالىڭىز:
بۇۇ باس حاتشىسى پان گي مۋننىڭ جىلدىق تابىسى 227 253 دوللار، ايلىق جالاقىسى 18 938 دوللار.
اقش پرەزيدەنتى باراك وبامانىڭ ءبىر جىلعى تابىسى 395 مىڭ دوللار، ايلىق جالاقىسى 32 917 دوللار.
اقش-تىڭ 42-ءشى پرەزيدەنتى، بۇۇ-نىڭ گايتيدەگى وكىلى بيلل كلينتوننىڭ جىلدىق تابىسى 5,3 ملن دوللار، ايىنا كىرىسى 441 667 دوللار.
گەرمانيا كانتسلەرى انگەلا مەركەلدىڭ جىلدىق تابىسى 249 341 دوللار، ايلىعى 20 778 دوللار.
فرانتسيا پرەزيدەنتى فرانسۋا وللاندتىڭ جىلدىق تابىسى 202 270 دوللار، ايلىق جالاقىسى 16 856 دوللار.
رەسەي پرەزيدەنتى ۆلاديمير ءپۋتيننىڭ جىلدىق تابىسى
135 736 دوللار، ايلىق جالاقىسى 11 311 دوللار.
رەسەي ۇكىمەتىنىڭ توراعاسى دميتري مەدۆەدەۆتىڭ جىلدىق تابىسى 135 227 دوللار، ايلىق كىرىسى 11 مىڭ دوللاردان ءسال اسادى.
بەلارۋس رەسپۋبليكاسىنىڭ پرەزيدەنتى الەكساندر لۋكاشەنكونىڭ جىلدىق تابىسى 53 777 دوللار، ايلىق جالاقىسى 4 481 دوللار.
ازەربايجان پرەزيدەنتى يلحام اليەۆتىڭ جىلدىق تابىسى
225 000 دوللار، ايلىق جالاقىسى 18 750 دوللار.
ال، قازاقستان باسشىلىعىنىڭ ايلىق، جىلدىق تابىستارى نەگە قۇپيا بولادى؟ قازاقستان ەلەكتوراتى باسقا ەلدەردىڭ حالقى ءتارىزدى ءوز بيلىگىنىڭ جەكە تابىستارى تۋرالى بىلۋگە قۇقىلى.
مارات توكاشباەۆتىڭ facebook پاراقشاسىنان الىندى
پىكىر قالدىرۋ