«ماراپات «حالىقتىڭ سۇيىكتىسى» ۇلتتىق سىيلىعى اياسىندا بەرىلەدى. مۇنداي شەشىمدى ۇيىمداستىرۋشىلار مەن ءادىل-قازىلار القاسى شىعاردى»، – دەپ جازدى ءوزىنىڭ Facebook-تەگى پاراقشاسىندا ۇيىمداستىرۋشىلاردىڭ ءبىرى عالىم بايتۋك.
ايتا كەتەيىك، 4 جەلتوقسان كۇنى استانا-بۋراباي تاسجولىندا جانتۇرشىگەرلىك جول اپاتى ورىن الدى. جول اپاتى ءتورت ادامنىڭ ءومىرىن جالمادى. كۋاگەرلەردىڭ سوزىنە سۇيەنسەك، قۇماربەك جاكەتايۇلى ءۇش جاسار بالانى قۇتقارىپ قالعان. اۆتوبۋسپەن سوقتىعىسۋىنا بىرنەشە سەكۋند قالعاندا ول بالانى اۆتوكولىكتەن شىعارىپ الىپتى. ارتىنشا تاعى ءبىر قىزدى قۇتقارماق بولعانىمەن ۇلگەرمەگەن.
«قىلمىستىق ءىستى تەرگەۋ امالدارى مەن بولعان وقيعانىڭ ءمان-جايى انىقتالعان سوڭ وتە قيىن جاعدايدا ادامداردىڭ ءومىرىن الىپ قالۋعا دەگەن ۇمتىلىسى ءۇشىن مارقۇم قۇماربەك جاكەتايۇلىن ناگراداعا ۇسىنۋ ماسەلەسى شەشىلەتىن بولادى»، – دەيدى اقمولا وبلىسى ءىىد-ءنىڭ ءباسپاسوز حاتشىسى گۇلنار پينچۋك.
پىكىر قالدىرۋ