“مادەنيەت جانە سپورت ءمينيسترى 29 قازاندا وتكەن جەكپە-جەكتەن كەيىن قانات يسلامدى قابىلداپ، وعان مەملەكەت باسشىسىنىڭ قۇتتىقتاۋىن جەتكىزدى. سول كەزدەسۋدە EXPO حالىقارىلىق كورمەسىن وتكىزۋ بارىسىندا ۇلكەن بوكس كەشىن ۇيىمداستىرىپ، سوندا قانات يسلامدى شاقىرۋ تۋرالى وي تۋىنداعان بولاتىن”، – دەدى بەرىك سۇلتان.

سونداي-اق، قانات يسلامنىڭ وكىلى قازاقستاندىق بوكسشىنىڭ EXPO قارساڭىندا وتكىزىلەتىن بوكس كەشىنە قاتىسۋعا دايىن ەكەنىن ايتتى. “كەشتىڭ ناقتى قاي ايدا وتەتىنى بەلگىسىز. بوكس كەشى جازدىڭ سوڭىندا وتەتىن بولسا، قانات مامىر ايىندا اقش-تا تاعى ءبىر جەكپە-جەك وتكىزىپ، استاناداعى بوكس كەشىنە دايىندىقتى باستاۋعا دايىن. ەگەر ودان ەرتە وتەتىن بولسا، قانات يسلام اسسيسپەن جۇدىرىقتاسقان سوڭ، دايىندىقتى باستاي بەرەدى. بوكس كەشىنە ءبىر كۇندە گەننادي، بەيبىت، جانات پەن قانات سياقتى بوكسشىلار قاتىسسا، بۇل كەش قاتىسۋشىلار قۇرامى جاعىنان مىقتى بولماق”، – دەدى بوكسشىسىنىڭ وكىلى.

ايتا كەتەيىك، كەشە Boxing Legends TV ينتەرنەت-ارناسىنىڭ Twitter جەلىسىندەگى پاراقشاسىندا ورتا سالماقتا WBA (Super), IBO, WBC جانە IBF تۇجىرىمدارى بويىنشا الەم چەمپيونى گەننادي گولوۆكين (36-0, 33 كو) جانە وسى سالماقتاعى WBO بەلبەۋىنىڭ يەگەرى اعىلشىن بوكسشىسى بيللي دجو سوندەرس (24-0, 12 كو)  جازدا قازاقستاندا جۇدىرىقتاسۋعا كەلىستى دەگەن مالىمەت شىققان بولاتىن. ەگەر، بۇل سوزدەردىڭ بارلىعى راستالىپ جاتسا، قوس باتىرىمىز استانادا ءبىر كۇندە جۇدىرىقتاسۋى مۇمكىن.

vesti.kz