“Mädeniet jäne sport ministri 29 qazanda ötken jekpe-jekten keyin Qanat Islamdı qabıldap, oğan Memleket basşısınıñ qwttıqtauın jetkizdi. Sol kezdesude EXPO halıqarılıq körmesin ötkizu barısında ülken boks keşin wyımdastırıp, sonda Qanat Islamdı şaqıru turalı oy tuındağan bolatın”, – dedi Berik Swltan.

Sonday-aq, Qanat Islamnıñ ökili qazaqstandıq boksşınıñ EXPO qarsañında ötkiziletin boks keşine qatısuğa dayın ekenin ayttı. “Keştiñ naqtı qay ayda ötetini belgisiz. Boks keşi jazdıñ soñında ötetin bolsa, Qanat mamır ayında AQŞ-ta tağı bir jekpe-jek ötkizip, Astanadağı boks keşine dayındıqtı bastauğa dayın. Eger odan erte ötetin bolsa, Qanat Islam Assispen jwdırıqtasqan soñ, dayındıqtı bastay beredi. Boks keşine bir künde Gennadiy, Beybit, Janat pen Qanat siyaqtı boksşılar qatıssa, bwl keş qatısuşılar qwramı jağınan mıqtı bolmaq”, – dedi boksşısınıñ ökili.

Ayta keteyik, keşe Boxing Legends TV internet-arnasınıñ Twitter jelisindegi paraqşasında orta salmaqta WBA (Super), IBO, WBC jäne IBF twjırımdarı boyınşa älem çempionı Gennadiy Golovkin (36-0, 33 KO) jäne osı salmaqtağı WBO belbeuiniñ iegeri ağılşın boksşısı Billi Djo Sonders (24-0, 12 KO)  jazda Qazaqstanda jwdırıqtasuğa kelisti degen mälimet şıqqan bolatın. Eger, bwl sözderdiñ barlığı rastalıp jatsa, qos batırımız Astanada bir künde jwdırıqtasuı mümkin.

vesti.kz