كەلىمبەتوۆ: 10 جىلدا ەلدەن 100 ميلليارد دوللار سىرتقا كەتكەن
قازاقستان ۇلتتىق بانكىنىڭ توراعاسى قايرات كەلىمبەتوۆ.z قازاقستاندا ون جىلدىڭ ىشىندە وففشورلىق ايماقتارعا 100 ميلليارد دوللار كەتكەن. بۇل تۋرالى بۇگىن استاناداعى جيىندا قازاقستان ۇلتتىق بانكىنىڭ توراعاسى قايرات كەلىمبەتوۆ مالىمدەگەن دەپ حابارلايدى قازتاگ. «سوڭعى ون جىلدىڭ ىشىندە سىزدەر مەن ءبىزدىڭ وتانداستارىمىزدىڭ 100 ميلليارد دوللارى قازاقستاننان كەتكەن. ول اقشانىڭ قايدان پايدا بولعانىن قازبالاماي-اق قويايىق… دەگەنمەن، بۇل اقشا قازاقستاندا ەمەس. قازىر ول اقشا الەمدەگى وففشورلىق ايماقتاردا» دەپ مالىمدەگەن قايرات كەلىمبەتوۆ. ونىڭ سوزىنشە، قازاقستاننان كاپيتال نەگىزىنەن سينگاپۋر، دۋباي جانە گونكونگتەگى وففشورلىق ايماقتارعا شىعارىلعان. «ەگەر سەنىمدى زاڭ بازاسى بولماسا، كەلەسى ون جىلدا قازاقستاننان تاعى وسىنداي اقشا كەتۋى ىقتيمال ەكەنىن تۇسىنەمىز» دەگەن ۇلتتىق بانك توراعاسى. ازاتتىق راديوسى
