Келімбетов: 10 жылда елден 100 миллиард доллар сыртқа кеткен
Қазақстан ұлттық банкінің төрағасы Қайрат Келімбетов.z Қазақстанда он жылдың ішінде оффшорлық аймақтарға 100 миллиард доллар кеткен. Бұл туралы бүгін Астанадағы жиында Қазақстан ұлттық банкінің төрағасы Қайрат Келімбетов мәлімдеген деп хабарлайды ҚазТАГ. «Соңғы он жылдың ішінде сіздер мен біздің отандастарымыздың 100 миллиард доллары Қазақстаннан кеткен. Ол ақшаның қайдан пайда болғанын қазбаламай-ақ қояйық… Дегенмен, бұл ақша Қазақстанда емес. Қазір ол ақша әлемдегі оффшорлық аймақтарда» деп мәлімдеген Қайрат Келімбетов. Оның сөзінше, Қазақстаннан капитал негізінен Сингапур, Дубай және Гонконгтегі оффшорлық аймақтарға шығарылған. «Егер сенімді заң базасы болмаса, келесі он жылда Қазақстаннан тағы осындай ақша кетуі ықтимал екенін түсінеміз» деген Ұлттық банк төрағасы. Азаттық радиосы
