Kelimbetov: 10 jılda elden 100 milliard dollar sırtqa ketken
Qazaqstan wlttıq bankiniñ törağası Qayrat Kelimbetov.z Qazaqstanda on jıldıñ işinde offşorlıq aymaqtarğa 100 milliard dollar ketken. Bwl turalı bügin Astanadağı jiında Qazaqstan wlttıq bankiniñ törağası Qayrat Kelimbetov mälimdegen dep habarlaydı QazTAG. «Soñğı on jıldıñ işinde sizder men bizdiñ otandastarımızdıñ 100 milliard dolları Qazaqstannan ketken. Ol aqşanıñ qaydan payda bolğanın qazbalamay-aq qoyayıq… Degenmen, bwl aqşa Qazaqstanda emes. Qazir ol aqşa älemdegi offşorlıq aymaqtarda» dep mälimdegen Qayrat Kelimbetov. Onıñ sözinşe, Qazaqstannan kapital negizinen Singapur, Dubay jäne Gonkongtegi offşorlıq aymaqtarğa şığarılğan. «Eger senimdi zañ bazası bolmasa, kelesi on jılda Qazaqstannan tağı osınday aqşa ketui ıqtimal ekenin tüsinemiz» degen Wlttıq bank törağası. Azattıq radiosı
