ҚР Сыртқы істер министрлігінде химиялық қаруға тыйым салу мәселелері талқыланды
kerey.kz
Ү. ж. 4 мамырда Қазақстан Республикасы Сыртқы істер министрі Ерлан Ыдырысов Химиялық қаруға тыйым салу жөніндегі ұйымның (ХҚТСҰ) Бас директоры Ахмет Узюмджюмен кездесті-деп хабарлайды СІМ баспа сөз қызметі.
Бұл аталған халықаралық ұйым басшысының Қазақстанға алғаш рет келуі.
ҚР Сыртқы істер министрі Е. Ыдырысов Қазақстан ХҚТСҰ-мен ынтымақтастыққа зор көңіл бөлетіндігін атап өтті. «Сіздің сапарыңыз мемлекеттік және өңірлік деңгейлерде химиялық қауіпсіздікті қамтамасыз ету шараларын жетілдіруге бағытталған ықпалдастыққа қосымша екпін береді деп сенеміз», – деп атап өтті ҚР сыртқы саяси мекеме басшысы.
Е. Ыдырысов атап өткендей, Қазақстан Республикасы жаппай қырып жою қаруын таратпау қағидасын толық ұстанады және Химиялық қаруға тыйым салу конвенциясына сәйкес өзінің міндеттерін толық атқаруда, сонымен қатар, Біріккен Ұлттар Ұйымы Қауіпсіздік Кеңесінің №1540 қарарын орындауда жүйелі шараларды іске асырады.
«Қазақстанның қарусыздандыру және таратпау салалардағы саясаты еліміздің сыртқы саяси бағытымен анықталады, оның негізінде халықаралық қауіпсіздікті ұстану, мемлекеттер арасындағы ынтымақтастықты дамыту, жаһанды мәселелер мен жанжалдарды реттеуде халықаралық ұйымдар беделін арттыру жатыр. Жаппай қырып жою қаруды таратпау қағидасын ұстану Қазақстан Республикасы сыртқы саясатының негізгі басымдықтарының бірі болып табылады», – деді Министр.
А. Узюмджю Қазақстанды Ұйым жұмысына белсенді қатысуы мен қолдауы үшін алғысын білдірді. Ол «Қазақстан Республикасы Ұйымның химиялық қаруға тыйым салу қызметіне белсенді қатысады және Химиялық қаруға тыйым салу конвенция мүше мемлекеттер конференциясының жыл сайынғы сессиялары мен шараларына қатысады», – деп атап өтті.
Е. Ыдырысов Қазақстанның Ұлттық химиялық қауіпсіздік жөніндегі орталығын құруда мүдделілігін айтып, және ол болашақта өңірлік деңгейдегі орталыққа айналуы мүмкіндігін атап өтті.
Тараптар, сонымен қатар, ү.ж. шілдеде Қазақстанда ХҚТСҰ аясында өтетін химиялық қауіпсіздік жөніндегі команда-штабтық оқуларына дайындық мәселелерін талқылады.
Пікір қалдыру