QR Sırtqı ister ministrliginde himiyalıq qaruğa tıyım salu mäseleleri talqılandı
kerey.kz
Ü. j. 4 mamırda Qazaqstan Respublikası Sırtqı ister ministri Erlan Idırısov Himiyalıq qaruğa tıyım salu jönindegi wyımnıñ (HQTSW) Bas direktorı Ahmet Uzyumdjyumen kezdesti-dep habarlaydı SİM baspa söz qızmeti.
Bwl atalğan halıqaralıq wyım basşısınıñ Qazaqstanğa alğaş ret kelui.
QR Sırtqı ister ministri E. Idırısov Qazaqstan HQTSW-men ıntımaqtastıqqa zor köñil böletindigin atap ötti. «Sizdiñ saparıñız memlekettik jäne öñirlik deñgeylerde himiyalıq qauipsizdikti qamtamasız etu şaraların jetildiruge bağıttalğan ıqpaldastıqqa qosımşa ekpin beredi dep senemiz», – dep atap ötti QR sırtqı sayasi mekeme basşısı.
E. Idırısov atap ötkendey, Qazaqstan Respublikası jappay qırıp joyu qaruın taratpau qağidasın tolıq wstanadı jäne Himiyalıq qaruğa tıyım salu konvenciyasına säykes öziniñ mindetterin tolıq atqaruda, sonımen qatar, Birikken Wlttar Wyımı Qauipsizdik Keñesiniñ №1540 qararın orındauda jüyeli şaralardı iske asıradı.
«Qazaqstannıñ qarusızdandıru jäne taratpau salalardağı sayasatı elimizdiñ sırtqı sayasi bağıtımen anıqtaladı, onıñ negizinde halıqaralıq qauipsizdikti wstanu, memleketter arasındağı ıntımaqtastıqtı damıtu, jahandı mäseleler men janjaldardı retteude halıqaralıq wyımdar bedelin arttıru jatır. Jappay qırıp joyu qarudı taratpau qağidasın wstanu Qazaqstan Respublikası sırtqı sayasatınıñ negizgi basımdıqtarınıñ biri bolıp tabıladı», – dedi Ministr.
A. Uzyumdjyu Qazaqstandı Wyım jwmısına belsendi qatısuı men qoldauı üşin alğısın bildirdi. Ol «Qazaqstan Respublikası Wyımnıñ himiyalıq qaruğa tıyım salu qızmetine belsendi qatısadı jäne Himiyalıq qaruğa tıyım salu konvenciya müşe memleketter konferenciyasınıñ jıl sayınğı sessiyaları men şaralarına qatısadı», – dep atap ötti.
E. Idırısov Qazaqstannıñ Wlttıq himiyalıq qauipsizdik jönindegi ortalığın qwruda müddeliligin aytıp, jäne ol bolaşaqta öñirlik deñgeydegi ortalıqqa aynaluı mümkindigin atap ötti.
Taraptar, sonımen qatar, ü.j. şildede Qazaqstanda HQTSW ayasında ötetin himiyalıq qauipsizdik jönindegi komanda-ştabtıq oqularına dayındıq mäselelerin talqıladı.
Pikir qaldıru