Рыпакова барды да бір секіріп құмға былқ етіп түсіп, алтынын да, қоласын да ала салды. Қол-аяғы аман, фигурасы да ұрып тұр…
kerey.kz
Бет-ауызың быт-шыт боп жұдырықтасып, алысып-жұлысып, тебісетін спорт түрлерінен гөрі төрешілерге тәуелділігі де, шығыны да аздау спорт түрлерін көбірек дамыту керек қой. Мәселеңки, бадминтон, батутта секіру де олимпиада ойыны екен. Қалада не көп батут көп, секіріп жүрген бала көп)). Суда жүзу ше? Фелпс деген жүзгіш бір өзі төрт-бес жарысқа қатысып, Қазақстанннан барған жүз спортшының алтынын жалғыз өзі алып жүр. Балқашты олай да, бұлай да жүзіп өтетін біздің балдар барса тым болмаса біреуін алар еді Баландин сияқты. Бір адамды апарасың төрт-бес жарысқа қатыстырасың. 20 күн төбелесіп, финалға шыққанда төрешілердің ауызына қарап отырмайсың. Әлгі қайық есіп, паром тасып жүрген қара күштің иелері қайда? Ертістен ары бері қайықпен өте салатын қара балдар желкендісі бар, желкенсізі бар қайық жарысқа неге бармайды?
Мойынға қойып, шыр айналып тас лақтыратын спортты айтпай-ақ қояйық, тіпті. Қазекем тас лақтыра алмай ма?) Қылыштасудың үш түрі бар екен. Әрқайсынан бір медаль. Жүгіру, секіру қолдан келетінін Әмин Тұяқов, Ғұсман Қосановтар қырық жыл бұрын дәлелдеген. Рыпакова деген бәденді келіншек барды да бір секіріп құмға былқ етіп түсіп, алтынын да, қоласын да ала салды. Қол-аяғы аман, фигурасы да ұрып тұр, денсаулығына да, елге де пайдалы. Дау да, дамай да жоқ.
Мылтық ату бір тамаша спорт. Тарс еткіздің бітті. Тисе тиді, тимесе ешкімге өкпелемейсің. Олимпиадаға ысқырееп барып қайтасың. Кейкі мергеннің ізбасарлары онда да жоқ. Sanjar Kerimbayдан өзге баласына садақ атқызып, олимпиадаға дайындап жүрген ешкім көрмедім. Балаларымызды осындай пайдасы көптеу, шығыны аздау спортқа берейік те. Эстетикалық тұрғыдан да әдемі. Миы шайқалып, көтеншегі айналмайды, допингтің де керегі шамалы. Асылхан Мамашұлытың facebook парақшасынан алынды
Пікір қалдыру