Черногория – Қазақстан 5:0.

| Oct 9, 2016

фото: footballfox.net www.24.kz

Ұлттық құрамамыз кезінде “Уэмблиде” Англиядан 1:5 болып жеңілгенде бұдан жақсырақ ойнаған. Футбол федерациясы ешкім танымайтын ортақол шетелдік бапкерлер мен ешкім ештеңе күтпейтін отандық бапкерлерді тағайындаған сайын алдымызға қайта-қайта жылытпа тамақ салған табақ тартылғандай болып көрінеді. Әлгі тамақ жылытқан сайын ашып, бұзылып барады. Табақ тартушылар әр жолы бетіне укроп сеуіп қояды, көз алдап. Бүгінгі ойын баяғыда сырт алаңда ОАӘ мен Сириядан ойсырай жеңіліп жүретін Азиядағы заманды елестетті. Жоқ жерден сары қағаз алып, өз қақпаңа қауіпті айып добын белгілету мен пасты тұрақты түрде дәл бермеу бойынша “шеберлік курсы” ретінде көрсетуге болатын матч. Мына құраммен бірге жасақталған басқа Батыс Еуропа командаларындағы құрамдар екінші, тіпті үшінші мәрте жаңарып, жасарып жатыр. Ал Қазақстан құрамасы үшін жетіскен резервтің де жоқ екені білінеді. Дәл осы деңгейде тұрып тактика мен стратегияны талқылап, талдаудың өзі күлкілі. Қарапайым техника, физика мен дисциплина мәселелерін әуелі шешіп алу керек сияқты. Ол үшін онсыз да итбай-шортбай жеп жатқан қаржыны алдыңғы қатарлы Батыс маманына жұмсап, әділ селекция мен әлем деңгейіндегі дисциплина һәм дене дайындығы стандарттарын енгізсе жөн болар еді. Дәл қазір Луи Ван Галдың қолы бос:) Әйтпесе футбол алаңындағы пост-советтік менталитетті талқандап жіберетін, керек кезінде сол менталитетке сәйкес қатты-қатты да сөйлей алатын сөзі өтімді, беті қатты италиялық бірнеше бапкер және босады дегендей;) Қасына қазақстандық бірнеше тренерді көмекші етіп, дәріс алғызса, құба-құп болар еді. Егер ондай кадрлік өзгеріс болмаса, ішкі премьер лига мен бірінші лиганың сапасы күшеймесе, жетекші клубтарда жергілікті футболшылардың үлес санын көбейту саясаты қолға алынбаса, кезіндегі мектеп деңгейіндегі “Былғары доп” турнирінен бастап, РШВСМ резервіне дейінгі аралық қайта жанданбаса, ештеңе өзгермейді. Өстіп табақтағы ашыған жылытпа тамаққа қарап тыжыранамыз да отырамыз, жарты миллион халқы бар елдерден 0:5 болып жеңіліп.

Galym Bokashтың facebook парақшасынан алынды

“Төңкеріс жасауға машықтанғандар” кім? Қаңтар құпиясы ашылса, салдары не болады? Депутатпен сұхбат

kerey.kz

Нұрбек ТҮСІПХАН Қазақстан парламенті мәжілісінің депутаты, заңгер Абзал Құспан Азаттыққа сұхбат беріп отыр. Астана, 26 қазан, 2023 жыл Қаңтарды кім ұйымдастырғанын билік біле ме, білсе неге ашық айтпады? Парламентте неге Қаңтар бойынша тағы тыңдау өтпейді? Президент Тоқаев Қаңтар “төңкеріс жасауға әбден машықтанған мамандардың жетекшілігімен” ұйымдастырылды деді. Олар кімдер? Мәжіліс депутаты Абзал Құспан осы сұрақтарға жауап берді Азаттық: Абзал мырза, сіз – Қаңтар оқиғасына бір тараптан емес, жан-жағынан қарауға мүмкіндік алған адамсыз. Ең алдымен сол оқиғаға тікелей қатыстыңыз, жұртты алаңға шығуға шақырдыңыз. Одан кейін қанды қырғында қамауға алынғандарды босатуға ат салысып, заңгер ретінде де араластыңыз. Одан бөлек мәжіліс депутаты есебінде де жаңа бір ракурстан қарап отырсыз. Айтыңызшы, жан-жағынан қарағанда Қаңтар оқиғасында сізге
Атеистер мен тәңіршілдерге мың алғыс!

kerey.kz

Елдес Орда Сурет: Автордың жеке архивінен алынды. Қазақ қоғамында жаңа интеллектуалдық кезең туып келеді. Бірінші, қазіргі қазақ қоғамында сенім мәселесіне қатысты пікірталастардың күшеюі кездейсоқ құбылыс емес. Бұл дегеніңіз әлеуметтік желілердің, ашық ақпараттық кеңістіктің және жаһандық интеллектуалдық ағымдардың ықпалымен қалыптасқан жаңа қоғамдық ойлау формасының көрінісі. Атеистік көзқарастардың ашық айтылуы, тәңіршілдік идеялардың қайта жаңғыруы және дәстүрлі діни орта арасындағы пікір қақтығысы зиялы ортада алаңдаушылық тудырғанымен, шын мәнінде бұл құбылыс қоғамның рухани әлсіреуін емес, саналы ізденіске бет бұрғанын көрсетеді. Екінші, ұзақ уақыт бойы қазақ қоғамындағы діни дискурс негізінен МОНОЛОГТЫҚсипатта болды. Уағыз айтылды, ал тыңдаушы тарап оны талқылаусыз қабылдауға тиіс еді. Сұрақ қою күмәнмен, күмән әлсіз иманмен теңестірілді. Мұндай ортада сенім дәлелдеуді емес, қайталауды талап етті. Ғылыми
Олжас Сүлейменов. Мен білем!..

kerey.kz

Серік Ерғали Суреттер: madeniportal.kz және С.Ерғали мұрағаттарынан алынды. «Я знаю!..» кітабынан үзінді-аударма. ОСИРИС ЗАҢЫ I Біз адамзат тарихын өте нашар білеміз. XIX ғасырдың басында Наполеон әлемге Мысырды ашты, ал ғалымдар бұл елдің қирандыларын зерттеп, оның шамамен б.з.д. III мыңжылдыққа тиесілі екенін анықтады. Сол кезде адамзат тарихы тағы да қос мыңжылдыққа тереңдей түсті. Бірнеше мыңжылдық бұрын (мен білем) адамзат (немесе оның кейбір бөлігі) таңбалы жазуды қолданып, жазып жүрген. Бұл білімдерді қалпына келтіру арқылы біз XX ғасырдың басында жасанды түрде үзілген тіліміздің тарихына қатысты қолжетер шындықты қайта тануымызға тура келді. 1926 жылы Бакуде өткен алғашқы түркологиялық конгрестен кейін түркология ғылым ретінде қалыптаса алмады… …2018 жылы Назарбаев мені әңгімелесу үшін Ақордаға шақырды. Үлкен үстелдің басында
Қытай интеллигенциясы қытай иероглифін сынады, қытай тілін емес…

kerey.kz

Қазір әлеуметтік желіде кейбір қазақ зиялыларының қазақ тілін сынаған пікірі тарап жүр. Есіме бір кездері Қытай интеллигенциясының қытай иероглифін сынағаны түсіп кетті. 20- ғасырдың алғашқы ширегінде қытайдың дәстүрлі иероглифтерін сынамаған зиялы кемде кем. *** *** *** “Иероглифтерде заманауи идеялар мен теорияларды жеткізетін сөздік қор жоқ, әрі олар зиянды ойлардың ұясына айналады. Оларды жоюда ұят жоқ” деп жазды 1918 жылы Қытай Коммунистік партиясының негізін қалаушылардың бірі әрі Жаңа мәдениет қозғалысының жетекші қайраткері Чэнь Дусю (陈独秀). Қытай иероглифін қатты сынаушылардың қатарында тағы да Қытай коммунистік қозғалыстың жетекшілерінің бірі Цюй Цюбай (瞿秋白) де болған. Ол тіпті 1931 жылы “Қытай иероглифтері шын мәнінде әлемдегі ең лас, ең жексұрын әрі ең жиренішті нәрсе. Тіпті ортағасырлық
Қазіргі заңнама аясында мемлекеттік тілді қалай дамытуға болады?

kerey.kz

Zhalgas Yertay Қазақстан билігі мемлекеттік тілді дамыту үшін қатаң шешімдерге барғысы келмейді дейік. Бірақ қазіргі заңнама аясында мемлекеттік тілді қалай дамытуға болады? Соны ойланып көрейік. Қазақ тілін дамыту жайын айтқан кезде Қазақстан билігі қоғамды екіге бөледі. Бірі – тілді дамытудың радикал шешімдерін ұстанады, екінші жағы – қазіргі статус-квоны сақтағысы келеді, яғни ештеңе өзгертпей-ақ қояйық дейді. Бірақ екі жолды да таңдамай, ортасымен жүруді ұсынып көрсек қайтеді!? Батыл қадамдарға барайық, бірақ ол радикал жол болмасын. Қазақ тілін күшпен емес, ортаны дамыту арқылы күшейтсек болады. Яғни адамдар тілді үйреніп әуре болмай-ақ, халық жай ғана қазақ тілі аясында өмір сүруді үйренсін. Негізгі ой осы. Біз осы уақытқа дейін адамдар ортаны