Eske salayıq, keşe erejesiz jekpe-jekten WSOF birinşiligi öziniñ 35-şi turnirinde öner körsetetin sportşılardıñ tizimin şığardı. Ökinişke qaray, Arman Ospanov pen Stiven Rodrigez arasındağı jekpe-jek bwl keşke kirgen joq. Oğan Arman Ospanovtıñ qanınan tabılğan doping sebep bolıptı. WSOF basşısı Rey Sefonıñ aytuınşa, oğan Arman Ospanovtıñ Marokko elinde ötken əskeri sambodan əlem birinşiliginen keyin bizdiñ sportşınıñ qanınan tabılğan doping tabılğanı jäne sportşımızdıñ 4 jılğa sporttan şettetilgeni jetipti. Sol sebepti de onı WSOF wyımınıñ jekpe-jek keşine qatıstırmay qoyıptı.

Osı mäselege baylanıstı birinşi orta salmaqtağı WBO Intercontinental jäne WBA Fedelatin twjırımdarınıñ çempionı Qanat Islam Arman Ospanovqa qoldau bildirip, sportşımızdı jigerlerdi.

“Arman, sen qazaqtıñ batırısıñ! Sen çempionsıñ! Onı qanşama ret däleldediñ. Älemdik dodalarda el namısın qorğadıñ, kök tudı jelbirettiñ. Qazaqtıñ jwdırığı auır, jigeri mıqtı, namıstı wlt ekenin moyındatqan jaujürek sportşısıñ. Ring sırtında da küres bar. Bwl ayqasta da jauırınıñ jerge timeytinine senemin. Şın mıqtığa türli sınaqtar keledi. Bwl jerde de qasqayıp twrıp beru kerek. Bwl jerde de eñseni tik wstau kerek. Moyımau kerek. Älemdik arenada äli de wlttıñ abıroyın asqaqtatıp, tuın jelbiretu üşin sağan bwl sınaqtı da jeñu mindet. Öziñ üşin emes, artıñnan erip kele jatqan, eliktep jürgen inileriñ üşin, wltıñnıñ keleşegi üşin sağan toqtamau kerek. Älsizder ğana är sözge alañdap, kim ne dep jatır dep jaltaqtap jüredi. Swñqar biikte samğaydı. Sen batırsıñ. Öziñniñ ornıñ bar. Onı eşkimge berme! Mıqtı ekeniñdi äli talay däleldeysiñ. Ol kün de alıs emes! Men sağan senemin!”, – dep jazba qaldı Qanat Islam öziniñ Instagram paraqşasında