Almatı-Petropavl bağıtına jaña äue reysi aşıldı.
kerey.kz
FlyArystan-nıñ 180 orındıq Airbus A320 wşağı Almatıdan Petropavlğa alğaş ret wştı. Bir jaqtı bilet qwnı 9999 teñgeden bastalatın reyster aptasına 4 ret – düysenbi, särsenbi, jwma jäne jeksenbi künderi twraqtı orındalıp twrmaq
Aldağı uaqıtta oblıstıñ barlıq qalaların otandıq loukosterdiñ reysterimen qamtu josparlanğan. Airbus A320 wşağı 12-naurız küni Almatı-Kökşetau- Almatı jäne Almatı-Qostanay- Qostanay aralığında wşudı bastadı.
«Petropavldan Almatı men elordamız Nwr-Swltanğa orındalatın jaña reyster jergilikti twrğındar men halıq arasında swranısqa ie boladı dep ümittenemiz. Solay bolğan jağdayda, biz saparlardıñ sanın arttırıp, Petropavlğa qatınaytın bağıttardıñ köbeyuin qarastıratın bolamız. Sonımen qatar bwl şaranıñ ötkiziluine küş salğan jergilikti äuejay men äkimşiliktiñ eñbegin atap ötkim keledi», – dedi FlyArystan-nıñ basqaruşı direktorı Tim Djordan.
13 naurızdan bastap Nwr-Swltannan Petropavlğa qwnı 3999 teñgeden bastalatın biletter satılımğa şıqtı. Wşaqtar 10 säuirden bastap jwma jäne jeksenbi künderi wşatın boladı.
«Bizdiñ bastı keñesimiz – biletti erte brondap, jolaşuılardıñ aqşanı barınşa az töleuine mümkindik jasau. Biz eñ birinşiden tömen bağadağı orındardı satamız, sondıqtan soltüstikke nemese oñtüstikke wşqıñız kelse, sayahatıñızdı aldın ala josparlağan jön. Wşaqtar jaña, yağni ortaşa alğanda 6 jıl ğana qoldanısta bolğan. Keyde jolauşılar arzan biletter az dep kinalap jatadı, arzan bağağa wşqıñız kelese biletti erte brondau kerek»,- dedi atalğan äue kompaniyasınıñ ökili Läzzat Näbieva.
Petropavl jäne Kökşetau qalalarına aşılğan bağıttar boyınşa äuekompaniyanıñ flotına qosılğan besinşi bort. Säuir ayında alınatın jaña Airbus A320 wşağı Qarağandı qalasına twraqtamaq.
Pikir qaldıru