Tapsırıs beruşiler toyhanalarğa aldın ala tölegen aqşaların qaytara almay jatır, dep  habarlaydı  Azattyq Rýhy tilşisi. Twrğındar körsetilmegen qızmet üşin aqşa wstap qalğan toyhana qojayındarınıñ äreketine narazı.

«Almatıdağı  Astana Plaza meyramhanasına naurızdıñ 23-i küni twsaukeser toy jasaymız dep dayındaldıq. Qonaqtardı da şaqırıp qoyğan edik. Meyramhananıñ äkimşiligine aldın ala aqşa töledik.  Biraq tötenşe jağdayğa baylanıstı toy ötpeytin boldı. Jağdaydı tüsindirip  aytıp edik, aqşamızdı tolıq qaytarmadı. Bastapqıda barlıq aqşanı qaytarmaymız degen, keyin elu  mıñ teñgemizdi wstap  qaldı», – dep şağımdandı özin Säule Mwqanova dep tanıstırğan almatılıq  twrğın.

Qanat Kigizbaev esimdi azamat anasınıñ 80 jıldıq mereytoyın 4 säuir küni atap ötpek bolğan. Alıs-jaqınnan keletin 220 adamnıñ basın qosudı josparlağan jigit Prezidenttiñ qaulısınan keyin oyınan eriksiz aynıp, toydı keyinge şegeruge mäjbür boladı. Biraq toyhana äkimşiligi aldın ala kepilge tölengen  300 mıñ teñgeni «Bizdiñ kinämiz joq» dep qaytarmağan.

Tabıstan asabalar da qağılıp jatır. On jıldan beri asaba bolıp jürgen Aybek Nwrqasımnıñ sözinşe, naurız – toy ayı.  Onıñ sözine sensek, aptasına kemi eki toy jürgizedi. Biraq qauipti indettiñ taraluı toy jasaytın adamdardıñ köñilin su sepkendey basqan.

«Toyğa jalğız barmaymız. Änşi-bişiler de boladı. Şou körsetiledi. Bir toyğa kemi  150 mıñ teñge aqı alamın. Biraq barlıq toy toqtap jatır. Qısqası, virus tabısımızğa da, halıqtıñ köñil küyine de teris äser etti. El aman bolsa, toy tabıladı. Mına qauipten aman qwtılsaq boldı ğoy», -deydi osı ayda jartı million teñge tabıstan qağılğan Aybek Nwrqasım.

Al meyramhana ieleri bolsa aldın ala tölegen aqşanıñ tolıq qaytarılmauın azıq-tüliktiñ satıp alınuımen tüsindirdi. Jıl boyı toy ötkizetin ortalıqtar jağdaylarınıñ  kürt «qiındap» ketkenin aytadı.

«Naurız ayında toy köp edi. Bizdiñ meyramhanada 15 şaqtı toy ötui kerek bolğan. Toyğa tapsırıs bergender karantinnen keyin toy ötkizuden bas tartıp jatır. Azpazşılar, dayaşılar, tehnikalıq qızmetkerlerdiñ bärin qosqanda, 20-dan astam adam jwmıs isteydi. Meyramhanalar kiristi toydan tabadı ğoy. Endi mine, nöl bolıp otırmız. Bäriniñ nesiesi bar. Toy ieleriniñ aqşasın qaytaruğa tırısamız, qanşama azıq-tülik alıp qoyğan edik. Ükimet ötemaqı jağın qarastırsa», – deydi Astana Plaza meyramhanasınıñ äkimşisi Marjan Äripova.

Al jağdayımız qiın degen Qazaqstan qonaqüyleri jäne meyramhanaları qauımdastığı kömek swrap, Ükimetke arnayı hat joldadı. Qauımdastıqtıñ prezidenti Raşida Şaykenova qol qoyğan hatta biznestiñ bwl türin subsidiyalaudı swrağan. Sonday-aq, qonaqüylerdi jıldıñ ayağına deyin salıqtan bosatıp, nesielik ösimpwldardı alıp tastaudı jäne kommunaldıq tölemderdiñ tarifin tömendetudi de talap etken.

Ämirbolat Qwsayınwlı, Almatı