Ol Baitasov Live arnasına bergen swhbatında elde bolıp jatqan jağdaylar, Qazaqstan biligindegi keybir qatelikter turalı ayttı, dep habarlaydı Ekspress K.

El işinde “uran salasınıñ danışpanı” atanıp ketken bwrınğı şeneunik jıl basındağı qañtar oqiğasına “üşinşi küştiñ” ıqpalı boldı dep esepteydi.

Onıñ pikirinşe, qazir Ükimettiñ negizgi mindeti — sırtqı küşterdiñ kimder ekenin halıqqa aşıp aytu.

Ol swhbat arasında bilik ökilderine ündeu joldadı.

“Otandastarınıñ tağdırına qatıstı şeşim qabıldap jatqandarğa aytarım, ne närseniñ de basına halıqtı qoyu kerek. Olardıñ ornında sizder, sizderdiñ orındarıñızda olar boluı mümkin edi. Olar — otandastarıñız, sizderde odan basqa halıq joq. Eger ädiletti şeşim qabıldağanıñızğa kümändansañız, onda otandasıñızdıñ amandığın oylañız. Sizderdiñ odan basqa jaqındarıñız joq. Birde-bir francuz ne amerikalıq sizge olarday jaqın bola almaydı. Öytkeni, siz tuğan halqıñızben qaşanda birge bolasız”, — degen ol bir müddege şoğırlanudı wsındı.

Mwhtar Jäkişev Nwrswltan Nazarbaevtıñ “aldımen ekonomika, sosın sayasat” ideyasın sınğa alıp, sayasi reformalar kerek ekenin aytıp ötti. Sonımen qatar, Oñtüstik jäne Soltüstik Koreya, Germaniya, AQŞ elderindegi jağdaydı mısalğa keltirdi.

“Amerikada bir “ağaşka” twradı, onıñ bizdegi “ağaşkalardan” ayırması joq dep elesteteyik. Onıñ basına birden “Stiv Djobstıñ baylığın nege tartıp almasqa” degen oy keleri anıq. Söytip, äreketin jüzege asıra bastadı delik. Onı kim toqtata aluı mümkin? Ol Amerikada osılay istey alar ma edi? Joq. Nelikten? Täuelsiz baspasöz bir-aq künde şu köterip, prokuratura qılmıstıq is qozğaydı. Al täuelsiz sot onı türmege jabar edi. Osımen onıñ “ağaşka” degen atağı joyıladı. Eldegi jüye oğan tayrañdauğa mümkindik bermeydi. Al Qazaqstanda Stiv Djobs bolsa, ol Apple qwram degenşe qwrdımğa keter edi”, — deydi şığarılım qonağı.

Sonımen qatar, Mwhtar Jäkişev swhbat barısında “Qazaqstanda barlıq jüye täueldi” degen pikirin aşıq bildirdi.