Ukraindardı bwl soğıs tez eseytip jibergen sekildi.
kerey.kz
Batıs endi Ukrainağa orıstarğa tötep beretin qarular emes, mümkindiginşe orıstardı keri ığıstırıp, basıp alğan territoriyalardan quıp şığıp, tügel qaytarıp aluına mümkindik beretin qarulardı beruge köşti.Batıs şaması orıstardıñ atom qaruın albatı qoldana almaytının, bwl ret Ukraina jeñilse, twtas erkindik älemine odan sayın qauip tönetinin tüsingen sekildi. Tipti Ukraina osığan deyin Reseymen jaqın dep onşa jaqtırmay kelgen Germaniyanıñ özi Ukrainağa mıqtı qarular beru şeşimine keldi.
Jaña küşti qarular äli kelip bolmağanımen, onıñ buı Ukrainanı jelpindirip tastağanı, al orıstardı sastırğanı anıq. 100 kün soğıssa da, batıl qarsılıqqa tap kelip, köp eşteñeni ieley almağan orıstar üşin jağday tipti de qiınday tüseri anıq. Orıstar şıday almay Kievti alıstan KH-22 qanattı zımırandarımen atqılap ses körsetti, “qorıqqan bwrın jwdırıqtaydı”, nemese “şaban üyrek bwrın wşadı” degen naq osı bolar.
Aldın ala kesip aytu qiın. Degenmen, endigi soğıstıñ bügi men şigi ukraindardıñ jalğastı batırlıq tanıtuına baylanıstı bolmaq. İşki satqındar men qorqaqtardıñ ıqpalına tüsip qalmau öte mañızdı. Sonday-aq soğıs qimıldarın dwrıs wyımdastıru, qarulardı önimdi paydalana bilu, äsirese Reseydiñ küş centrlerin talqandap, özara baylanıs joldarın kese alu degender soğıs tağdırın şeşedi dep oylaymın.
Ukraina beyne Zelenskiy aytqanday, endi “Soğısta basımdıqqa ie bolmay twrıp, eşqanday kelisim üsteline otırmaydı”. Al, Lavrov bılay dep şağımdandı: “Batıs elderi Ukrainanıñ Reseymen kelisimge keluine jol bermey jatır.” – osı eki sözdiñ läminen-aq jağdaydıñ qalay özgerip bara jatqanın añğaruğa boladı.
Resey bwrışqa qısıluda. Ol odan sayın bwlqan-talqan bolıp, talay närseni büldiretini anıq, biraq öz-özin de büldiredi.
Aytpaqşı, soğıs adamdı aqıldı etedi. Mısalı, AQŞ bergen Javelinderdiñ bateriyası tausılğanda, Ukraindar onı aşıp, Motocikldiñ bateriyasımen zaryadtau amalın oylap tapqan eken. Ukraindardı bwl soğıs tez eseytip jibergen sekildi.
Pikir qaldıru