Türik ağayındardıñ Bayraktar-ı tañqaldıruın qoyar emes. Olar Bayraktar TB2T-AI soqqı jasauşı dronın jasandı intellekt jüyesimen jäne jaña turbodvigatel'men jabdıqtap, üşinşi nwsqasın sınaqtıq sätti ötkizdi. Bwl jañalıq tek Türkiya üşin ğana emes, qazirgi zamanğı äskeri taktikanıñ damuında jaña däuirdiñ bastalğanın añğartadı. Äsirese, soñğı jıldarı qarulı qaqtığıstarda däl osınday wşqışsız apparattardıñ röli artqanın bärimiz bayqap otırmız.

Konstruktorlar jañartılğan Bayraktar TB2T-AI bwrınğı nwsqasınan äldeqayda jıldam, avtonomdı äri küşeytilgen äskeri mümkindikterge ie ekenin alğa tarttı. Sınaq barısında dron 25 500 fut biiktikke köterilip, turbodvigateli arqılı 300 km/sağ jıldamdıqpen wşqan. Onıñ bastı erekşeligi – 30 mıñ futtıq biiktikke nebäri 30 minutta köteriluinde bolıp twr. Bwl körsetkiş onı öz klasındağı eñ quattı apparattardıñ biri ekenin soqırğa tayaq wstatqanday körsetip otır. Äue keñistigindegi osınday artıqşılıqtarğa ie Bayraktar-dı qazirgi äskeri qaqtığıstarda taptırmas qaru retinde tanıluda.

Ukrainadağı soğıs osı drondardıñ şınayı wrıs jağdayında qanşalıqtı tiimdi ekenin körsetti. Resey armiyası äuede üstemdikke ie bolğanımen, Bayraktar TB2 soqqı jasauşı drondarı olardıñ brondalğan tehnikaların joyıp, artilleriyalıq poziciyaların joyqın soqqılardıñ astına alğanın bilemiz. Ukraina qarulı küşteri Bayraktar-dı äsirese «añşı-dron» retinde paydalandı – olar äueden wzaq uaqıt boyı baqılap, qajetti sätte däl soqqı berip otırğan.

Bwl dronnıñ bastı erekşelikteriniñ biri – jasandı intellekt tehnologiyası. Ol nısandardı özdiginen tanu, taktikalıq jağdayğa taldau jasap, avtomattı rejimde wşıp-qonıp jüre beredi. Jaña buın Bayraktar-ı bwl tehnologiyanı jetildirip, elektrondıq bögetterge qarsı twra alatın mümkindikterge ie ekenin de ayta ketuimiz kerek. Radioelektrondıq küres qwraldarı onı oñay bwğattay almaydı. Bwl qazirgi zamanğı soğıstağı eñ ülken basımdıqtardıñ biri.

Wşqışsız apparattardıñ bastı artıqşılığı – olar wrısta adam ömirin qauipke tikpey, äskeri tapsırmalardı orındauğa öte qabiletti. Ukrainadağı soğıs barısında Bayraktar-dıñ assimetriyalıq soğıstağı röli ayqın körindi. Ukraina küşteri orıs äskerine tikeley qarsılasuda älsiz bolğandıqtan, drondar arqılı «partizandıq aviaciya» modelin qwrıp, köptegen jeñisterge jetkenin bilemiz. Mwnday taktikalıq artıqşılıq qarsılastıñ tehnikasın barınşa älsiretuge mümkindik berdi.

Al Bayraktar TB2T-AI jaña ülgisi bwl mümkindikterdi odan äri arttıra tüsetinimen erekşelenude. Onıñ soğıs alañında avtonomdı türde äreket ete aluı, joğarı jıldamdıqqa ie boluı, janarmaydı ünemdeui jäne ärtürli klimattıq jağdaylarda jwmıs isteui onı älemdegi eñ mıqtı drondardıñ qatarına qosıp otır. Aytalıq, bwl drondar endi äuedegi wrıstardıñ taktikasın tübegeyli özgertetini anıq.

Sonımen qatar, Bayraktar-dıñ senimdiligi de joğarı. Eger qanday da bir tehnikalıq aqau orın alsa nemese dron belgilengen aymaqta äreket ete almasa, ol avtomattı türde öz bazasına qayta oraladı. Bwl onıñ wrıs dalasındağı wzaqmerzimdi tiimdiligin aytarlıqtay arttıradı.

Batıs sarapşıları Bayraktar TB2T-AI-di jaña äskeri revolyuciyanıñ bastauı dep bağalap otır. Türkiya men onıñ odaqtastarı bwl drondı qorğanıs salasında keñinen qoldanu arqılı özderiniñ äskeri küş-quatın eseleude. Al Ukrainadağı soğıs Bayraktar-dıñ dästürli soğıs koncepciyaların bwzıp, jaña taktikalıq şeşimderdi talap etetin zamanaui qaru ekenin däleldedi.

Jaña tehnologiyalar däuirinde wşqışsız apparattar äskeri strategiyanıñ ajıramas böligine aynalıp baradı. Bayraktar TB2T-AI – osınıñ ayqın däleli. Onıñ wrıs dalasındağı tiimdiligi uaqıt öte kele arta tüsetini sözsiz. Eñ bastısı, bwl drondar äskeri qaqtığıstardağı dästürli erejelerdi tübegeyli özgertip, jaña taktikalıq mümkindikterge jol aşıp jatır.