Nemis basılımı Bild äskeri şoluşısı YUlian Repkeniñ jazuınşa, şabuıl kezinde 10-ğa juıq strategiyalıq bombardirovşik joyıluı mümkin. Atap aytqanda, örtenip jatqan Tu-95 wşaqtarınıñ sputniktik suretteri jariyalanğan. Sarapşı bwl şabuıldı Reseydiñ strategiyalıq yadrolıq äleuetine töngen eleuli qater dep bağalaydı.

Germaniyalıq äskeri sarapşı Niko Lange bolsa, Reseydiñ strategiyalıq wşaqtarınıñ sanı azayğanı — Europa qauipsizdigi üşin oñ qadam ekenin atap ötti.

Izrail'dik äskeri şoluşı Igal' Levin operaciyanı «salıstıruğa kelmeytin deñgeydegi şabuıl» dep sipattadı. Telegram-dağı jazbasında: «Ukraindıqtar şabuıl auqımın aspandatıp jiberdi», — dedi ol.

Operaciyanı SBU wyımdastırğan

DW basılımınıñ SBU-dağı derekközine süyensek, bwl “Örmek” attı arnayı operaciyanı Ukraina qauipsizdik qızmeti (SBU) jüzege asırğan. Şabuıl nätijesinde jalpı qwnı 2 mlrd dollarğa deyin jetetin 41 wşaqqa zaqım kelgen. Olardıñ işinde Tu-95, A-50 jäne Tu-22M3 siyaqtı strategiyalıq wşaqtar bar.

Ukrainalıq jurnalist Vitaliy Glagola Telegram arnasında şabuıl sätin tüsirgen beynerolikti jariyalap, bwl soğıs bastalğalı beri Resey aviaciyasına jasalğan eñ quattı soqqı ekenin mälimdedi.

FPV-drondar jük kölikterden wşırılğan

UNIAN agenttiginiñ jazuınşa, operaciyanı prezident Vladimir Zelenskiy jeke baqılauına alğan. Dayındıq jwmıstarı 1,5 jılğa sozılğan. Bwl uaqıt işinde Reseyge arnayı furgondar arqılı FPV-drondar men olardı tasımaldaytın konteynerler jetkizilgen. Olar bazalar mañına qoyılıp, belgilengen uaqıtta qaşıqtan aşılıp, drondar wşırılğan.

RF Qorğanıs ministrligi: birneşe wşaqqa zaqım keldi

Resey Qorğanıs ministrligi Murmansk, Irkutsk, Ivanovo, Ryazan' jäne Amur oblıstarındağı aerodromdarğa FPV-drondarmen şabuıl jasalğanın rastadı. Ministrlik mälimetinşe, Ivanovo, Ryazan' jäne Amur oblıstarındağı şabuıldar toytarılğan, al Murmansk pen Irkutsk oblıstarında aviaciya tehnikası örtengen.

Jaraqat alğandar joq dep habarlanğanımen, zaqımdanğan wşaqtar sanı naqtılanbadı. Keybir adamdar wstalğan.

Z-kanaldar: Bwl — “Orıstıñ Perl-Harborı”

Reseylik äskeri Telegram arnaları bolğan oqiğanı AQŞ-tıñ 1941 jılğı Perl-Harbordağı şabuılımen salıstırıp otır.

zhasalash.kz